ஆக்கமும் கேடும் நினைக்கப்படும்! -THINK ABOUT CREATION AND DEVASTATE

"ஆக்கமும் கேடும் நினைக்கப்படும்!"

THINK ABOUT CREATION AND DEVASTATE

                     புதுக்கவிதை

                 மதுரை கங்காதரன்

              

 பொறுமை அன்புமய ஆக்கம் வேண்டும் 

பொறாமைக் கேடை பொசுக்க வேண்டும் 

வளமான ஆக்கத் திட்டங்கள் வேண்டும் 

களமிறங்கி செயல்களைச் செய்திட வேண்டும் 

விலைவாசி ஏறாத நாட்கள் வேண்டும் 

நிலையான வாழ்க்கை எந்நாளும் வேண்டும் 

லஞ்சம் வாங்கா மனிதர்கள் வேண்டும் 

பஞ்சமில்லா உலகு செய்திடல் வேண்டும் 

       

ஊழல் கலவா அரசியல் வேண்டும் 

நிழல் மரங்களாக நிலைக்க வேண்டும் 

கொடுமை பலாத்காரம் ஒழிக்க வேண்டும் 

புதுமை பெண்களாய் மாற்றம் வேண்டும் 

கல்வி விழிப்புணர்வு அமிழ்தம் வேண்டும் 

வேள்வியினால் அறியாமையை அகற்ற வேண்டும் 

கறுப்புப் பணத்தை கைப்பற்றல் வேண்டும் 

உருகும் ஏழைகளுக்குத் உதவிடல் வேண்டும் 

         

ஆக்கச் சிந்தனை இளைஞர்கள் வேண்டும் 

காக்கும் கரங்களாய் நம்பிக்கை வேண்டும் 

கணினியில் தமிழ்மய ஆக்கம் வேண்டும் 

மணியாக வலைத்தளத்தில் பதிந்திட வேண்டும் 

தமிழை உலகில் பரப்பிட வேண்டும் 

தமிழுக்கு வரும் கேட்டை அழிக்க வேண்டும் 

ஆக்கமான செயல்கள் சமுதாயத்திற்கு வேண்டும் 

மூர்க்கமான கேடிற்கு முடிவுரை வேண்டும் 

******************************************