Pages

Wednesday, 18 July 2012

பாகம் : 1 மகிழ்ச்சி தரும் உள் மனிதன் - HAPPY MAN IS INSIDE YOU -கடவுள் எப்போதும் என் பக்கம்


கடவுள் எப்போதும் என் பக்கம்
 ( சம மனித கொள்கை) - 
GOD IS ALWAYS IN MY SIDE (EQUAL HUMAN POLICY


பாகம் : 1 மகிழ்ச்சி தரும் உள்  மனிதன்
HAPPY MAN IS INSIDE YOU.

ஆன்மீக கட்டுரை - மதுரை கங்காதரன் 



இனிய மனிதா ! நான் தான் உன்னுள் இருக்கும்  உள்மனிதன் பேசுகிறேன்! நீ வாழும் இந்த உலக வாழ்கையில் 10 வயது முதல் 100+ வயது வரை உள்ள எல்லோரும்  'நாம்  எப்போதும் மகிழ்ச்சியாக இருக்க வேண்டும் ' என்று தான் விரும்புவார்கள் . அதை தேடி அலைகிறார்கள் . கடைசியில் வழக்கம் போல சரியானபடி  அவனுக்கு விடைகிடைக்காமல் வாழ்க்கை முழுவதும் திண்டாடுகிறான். அவனும் விடாமல் சிலரிடத்தில் அந்த மகிழ்ச்சி எங்கே கிடைக்கும்? கடையில் கிடைக்குமா? பஜாரில் கிடைக்குமா? என்று அவர்களிடத்தில் கேட்டால் அவர்கள்  என்ன சொல்லுவார்கள்  ! 'அங்கெல்லாம கிடைக்காது ' என்ற பதில் தான் சொல்லுவார்கள்  . உங்கள் வாழ்க்கையில்  எப்போதும் மகிழ்ச்சியை தருவதற்குத்தான் உனக்குள் இருக்கும் இந்த  உள்  மனிதன் வந்திருக்கிறான் . உண்மையில் மகிழ்ச்சி என்பது எங்கு, எப்படி,யாரால் , எப்போதெல்லாம் கிடைக்கும் என்ற விடை தெரியாத கேள்விக்கு விடை சொல்லவே உன் முன் வந்திருக்கிறேன்.



அருமை  மனிதா ! மகிழ்ச்சியான வாழ்க்கை பணம் மற்றும் செல்வத்தில் கிடைக்குமா? கேளிக்கை மற்றும் விளையாட்டில் கிடைக்குமா? அல்லது உனக்குத் தெரிந்த வேறு எதிலாவது தினமும் மகிழ்ச்சி கிடைக்கின்றதா ? என்று கேட்டால் 'இல்லை' என்றோ , ஏதோ ஒரு சில நேரத்தில் கிடைக்கிறது என்ற பதில் தான் அநேகமாக எல்லோரிடத்திலும் வரும் . அப்படித்தானே?

ஒருவேளை இப்படி கூட நீங்கள் நினைக்கலாம். அதாவது உலகில் உள்ள கோடிஸ்வரர்கள் , பெரிய அரசியல்வாதிகள், சிறந்த டாக்டர்கள், சினிமாவில் உள்ளவர்கள், அறிஞர்கள், ஆசிரியர்கள், புகழ் பெற்ற விளையாட்டு வீரர்கள் போன்றவர்கள் கட்டாயம் மகிழ்ச்சியாகத் தான் இருப்பார்கள் ! சரிதானே. ஆனால் உண்மையில் அவர்கள் கூட ஏதோ சில காரணங்களினால் மகிழ்ச்சியை தொலைந்துவிட்டு கஷ்டமான சூழ்நிலையில் தான் இருக்கின்றனர் என்று சொன்னால் அதை யாராலும் மறுக்க முடியாது. அப்படியே எடுத்துக்கொண்டால், பின்பு யார் இந்த உலகில் மகிழ்ச்சியாக இருக்கின்றனர்? அப்படிப்பட்ட "மகிழ்ச்சியான மனிதன்" உண்மையில் இருக்கினான ? என்று என்னிடம் கேட்டால் 'நான் ஆமாம் 'என்று தான் சொல்லுவேன்.

இந்த  பதிலை கேட்டவுடன் 'என்ன? என்ன?'வென்று ஆச்சரியமாய்  பார்ப்பது  தெரிகின்றது. அதன் பதிலை நானே சொல்கிறேன். உலகில் உள்ள எல்லா மனிதனும்   மகிழ்ச்சியாகத் தான் இருக்கிறான்.ஆனால் நீ காணும் மனிதன் அல்ல.அவன் வெளி மனிதன்? எல்லா மனிதனில் 'உள் மனிதன்' ஒருவன் இருக்கிறான். அவன் தான் எப்போதும் மகிழ்ச்சியான மனிதன். என்ன புதிர் போடுகிறாயா உள்மனிதனாவது, ஒன்னு இருக்கிறதாவது? அதெப்படி எனக்குத் தெரியாமே எனக்குள்ளே ... எப்படி ?? ...ஆயிரம் கேள்விகள்  உனக்குள்ளே ஓடுவது தெரிகின்றது.இதோ  அதற்கான விளக்கங்கள் ..

அன்பு மனிதா ! உனது உடம்பில் மகிழ்ச்சி தரக்கூடிய அங்கங்கள் எவை? எவை? என்று உனக்குத்தெரியும் . இருந்தாலும் மீண்டும் நானே சொல்கிறேன். அவைகள் கண்கள்,மூக்கு,நாக்கு ,காதுகள் மற்றும் உணர்வுகள் இவைகளெல்லாம் மனிதனின் வெளியில் இருப்பவை.விஞஞானத்தின் படி வெளியில் எது இருக்கின்றதோ அதற்க்குச் சமமாக உள்ளேயும் இருக்க வேண்டும். ஆக மனிதனுக்கும் இரு பக்கங்கள் இருக்கின்றன. ஒன்று நான் உள் மனிதன் மற்றொன்று நீ.அதாவது வெளி மனிதன். 

மதிப்பு மிக்க மனிதா ! நான் எப்போது மகிழ்சியாய் தான் இருப்பேன்.உடனே 'அந்த மகிழ்ச்சியை ஏன் எனக்கு தரவில்லை ' என்று தானே கேட்கிறாய். மனிதா ! நான் உனக்கு தரத் தயாராக இருக்கிறேன். ஆனால் நீ தான் பெற்றுக்கொள்ள மறுக்கிறாய். என்னை நீ இலேசாகவும் , துட்சமாகவும் , துரும்புக்குச் சமமானதாகவும் நினைக்கிறாய்.ஆனால் எனக்காகத்தான் நீ இருக்கிறாய் என்று பல சமயத்தில் மறந்து விடுகின்றாய். சரி. இது நாள் வரை உன்னை எப்போதும் மகிழ்ச்சியைதராமல் இருந்துவிட்டேன். ஆனால் இப்போது ஒரு முடிவுக்கு வந்துவிட்டேன். உன்னை எப்போதும் மகிழ்ச்சியில் வைத்துக்கொள்வது என்று. அதே  சமயத்தில் நான் எப்படிப்பட்டவன் ? எனக்கு என்ன என்ன பிடிக்கும் ? என்னுடைய குணாதிசியங்கள் எவை எவை என்று நீ அவசியம் தெரிந்து கொள்ள வேண்டும். நான் காட்டும்  வழியில் தான் செல்ல வேண்டும்.அவ்வப்போது நீ தவறு செய்ய நேர்ந்தால் நான் எச்சரிப்பேன். எக்காரணத்தைக் கொண்டும் நீ என் வழியிலிருந்து தவறக் கூடாது.

இனிய மனிதா ! உள் மனிதனாகிய எனக்கு எப்போதும் , எதிலும், எதுவும் நல்லது மட்டும் தான் பிடிக்கும். நான் எப்போதும் நல்லதையே நினைப்பவன்,நல்லதையே செய்பவன், மகிழ்ச்சி, ஆரோக்கியம் , நன்மையை பேணி காப்பவன். எனக்கு கெட்டது  எதுவும் பிடிக்காது. அதை ஏற்றுக் கொள்ளவும் மாட்டேன். சில உதாரணத்தின் மூலம் உங்களுக்கு நான் விளக்குகிறேன்.



அன்பு மனிதா ! முதலில் நீ சாப்பிடுவதை எடுத்துக் கொள்வோம். ஏனென்றால் அது தானே தினமும் நேரம் தவறாமல் எடுத்துக் கொள்கிறாய்.அது எதற்காக ? எப்படிப்பட்ட உணவை நான் விரும்புகிறேன்? என்று சொல்கிறேன். நீ எனக்கு கொடுக்கும் உணவு வாய் வழியாக உள்ளே போகுமுன்னே அந்த உணவு நல்லதா அல்லது கெட்டதா என்று முதலில் வெளிமனிதனாகிய உனக்கு கொடுத்திருக்கும் மூக்கு , நாக்கு மூலம் மனம் மற்றும் சுவைக்கான சோதனை நடக்கும். இரண்டும் நன்றாய் இருந்தால் மட்டுமே நான் உள்ளே செல்ல அனுமதிப்பேன். ஒருவேளை கெட்ட  வாசனையாக இருந்தால் உடனே நீ மூக்கை பொத்திக்கொண்டு சிறிய அளவு கெட்ட  வாசனையைக்கூட நான் உள்ளே அனுமதிக்க மாட்டேன். அதேபோல் பிடிக்காத உணவு , கெட்டுப்போன உணவை என்னை மீறி சாப்பிட்டால் உடனே நான் அடையாளம் கண்டு மீண்டும் வாய் வழியாகவே வெளியே தள்ளி விடுவேன். அது நஞ்சாக அல்லது சாராயமாக  இருந்ததால் உடனே திருப்பி வெளியே தள்ளி விடுவேன். ஏன் சிறு கல் அல்லது தலை முடியாக இருந்தாலும் அவைகள் என்னை விட்டு தாண்டிச் உள்ளே செல்லாது. அவ்வளவு சுத்தமாக இருக்க நினைப்பவன்.

சிறப்பு மனிதா! உனக்கு பிடிக்காத ஒலியை  கேட்டல் அதை உள்ளே அனுப்பாமல் இரு கைகளை கொண்டு காதுகளை அழுத்தி பிடிக்க வைப்பேன். அதேபோல் உன் உடம்பில் ஏதேனும் எறும்போ , பூச்சியோ ஊறினால் உடனே கைகளைக் கொண்டோ, உடம்பை ஆட்டியோ அது வெளியே விழும் வரை தட்டிவிடப்ப் பார்ப்பேன்.  



அருமை மனிதா ! அதேபோல் நீ புகை பிடிக்கும் போது அதை உள்ளே ஏற்றுக்கொள்ளாமல் பல முறை இருமல் மூலம் வெளியே தள்ளி விடுவேன்.  என் நோக்கம் நீ உட்கொள்ளும் உணவு சத்துள்ளதாகவும் , ஆரோக்கியம் தருவதாகவும் இருப்பதில் நான் மிகவும் கவனமாக இருப்பவன்.அப்படிப்பட்ட நல்ல உணவை உன் உடம்பு பாகங்களுக்கு எந்த எந்த பாகங்களுக்கு கொடுத்து உன்னை பலசாலியாகவும், அறிவுள்ளவனாகவும் வைத்துகொள்பவன்.அதேபோல் சத்தை உறிஞ்சி கழிவை உடனே வெளியேற வைப்பவன்.

அன்பு மனிதா! வெளிமனிதாகிய நீ கெட்டதை  எது உள்ளே அனுப்பினால் நான் ஒருபோதும் ஏற்றுக்கொள்ள மாட்டேன். உன் உடம்பை சீதோஷனத்திற்கு தக்கவாறு உடம்பிற்கு ஏற்றவாறு எந்த அளவும் மாறாமல் எப்போதும் சரியாக வைத்துக்கொள்வேன். அது என் கடமை.அப்படி மீறி அளவுக்கு அதிகமாகவோ வெகு குறைவாகவோ எடுத்துக் கொண்டால் உன் உடம்பை கஷ்டப்படுத்துவேன், மனதை கஷ்டப்படுத்துவேன், அதை சரி செய்யும் வரை உனக்கு வலி மற்றும் பல தொந்தரவுகள் கொடுத்துக்கொண்டே இருப்பேன்.இதிலிருந்து தெரிகின்றதா ? நான் எவ்வளவு சுத்தமானவன் என்று. எங்கு சுத்தம் இருக்கின்றதோ அங்கு சந்தோஷம்  கட்டாயம் இருக்கும்.அந்த சந்தோஷத்தை தான் நான் உனக்கு கொடுக்க விரும்ம்புகிறேன்.இதில் எந்த ஒரு இரகசியமும் இல்லை. இது  நான் எல்லாவிதத்திலும் வழிகாட்டுகிறேன். உன்னோடு பேசிக்கொண்டும் இருக்கிறேன். 

இனிய மனிதா! உன் வேலை பளுவில், அவசர காரியங்களினால் நான் பேசுவது உனக்கு கேட்பதில்லை, அதனால் நான் காட்டும் வழியையும் உன்னால் காண முடிவதிலை. எப்போதும் உனது அன்றாட வாழ்விலே மூழ்கிவிடுவதால் இந்த உள்மனிதனை கண்டுக்காமல் எப்படியும் நான் உதவி செய்வேன் என்கிற நம்பிக்கையில் காலத்தை தள்ளிக்கொண்டு இருக்கிறாய்.அது உண்மை தான். ஆனால் அதுவும் ஒரு அளவு தான் உதவி செய்ய முடியும்.பல வேளைகளில் உனக்கும் எனக்கும் உள்ள இடைவெளி மிக அதிகமாகிவிடுவதால் நான் அடையும் மகிழ்ச்சி உனக்கு கிடைப்பதில்லை. இன்று முதல் எனக்கும் உனக்கும் உள்ள இடைவெளி இருக்கவே கூடாது என்ற முடிவுக்கு வந்து விட்டேன்.நான் அடையும் மகிழ்ச்சி இம்மியளவு கூட குறையாமல் உனக்கு கொடுக்க உத்தேசுத்துள்ளேன் . அதற்கு நான் எப்போதும உனக்கு ஆலோசனை சொல்பவனாகவும், நல்ல வழி  காட்டுபவனாகவும், உன்மனத்திற்கு எப்போதும் நல்ல அறிவுறை சொல்பவனாகவும் இருக்கப்போகிறேன். என் செயல்பாடுகள் இனி வரும் காலங்களில் உனக்கு எப்போதும் மகிழ்ச்சியையே தரும்.அந்த மகிழ்ச்சி கடலில் மூழ்கி அழகிய நன்முத்துக்களை எடுக்கத் தயாராக இருங்கள்.                  

  
இன்னும் பலவற்றை சொல்ல மீண்டும் வருவேன். ..           




             

இன்னும் வரும் .... 

இதில் இருக்கும் கவிதை / கதை / விளையாட்டு புதிர் / சமையல் / கட்டுரைகள் / பொன் வரிகள் போன்றவற்றின் உங்கள் விமர்சனம் 
வரவே ற்க்கப்படுகின்றன 

கீழே கொடுத்திருக்கும் NO COMMENTS என்கிற பட்டனை அழுத்தினால் நீங்கள்   

மிகநன்று              அல்லது 

நன்று                       அல்லது 

பரவாயில்லை  அல்லது 

இன்னும் தெளிவு தேவை  

ஆங்கிலத்தில் கூட நீங்கள் டைப் செய்து  அனுப்பலாம் ..

பத்திரிகை, வார இதழ் , மாத  இதழ் போன்றவற்றில் பிரசுகரம் செய்ய 
கீழ்க்கண்டவற்றில்  தொடர்பு கொள்ளவும்.

+91 9865642333 அல்லது 

e.mail id :    gangadharan.kk2012@gmail.com