Pages

Wednesday, 7 August 2013

நட்பு தினம் - நட்பு வாரம் (1.8.13 to 7.8.13) - FRIENDSHIP DAY - SPECIAL PUTHU KAVITHAI

நட்பு தினம் - நட்பு வாரம் (1.8.13 to 7.8.13)


சிறப்பு புதுக்கவிதை 

மதுரை கங்காதரன் 


அரிது அரிது நட்பு கிடைப்பதரிது 
உண்மை நட்பு கிடைப்பது அதனினும் அரிது.

கிடைத்தாலும் பொறாமை இல்லா நட்பு அரிது 
அதுவும் கிடைத்தாலும் ஒரே இடத்தில் இருப்பது அரிது 

ஒரே இடத்தில் கிடைத்தாலும் நட்பு தொடர்வது அரிது 
அனைத்தும் இருக்கும் நட்பு அழியாத பெருமை தருமே.

மானத்தை காப்பது நட்பு 
உண்மை அன்பை கொடுப்பது நட்பு 



மணம் கூட காற்றிக்கு சுமையாக இருக்கலாம் 
மகரந்தம் கூட மலருக்கு பாரமாக இருக்கலாம் 
குழந்தை கூட தாய்க்கு பாரமாக தெரியலாம் 
உண்மை நட்பு என்றைக்குமே மனதிற்கு இதம் தான்.

உண்மை நட்பு 
மடை திறந்த வெள்ளம் போல 
வானைப் பிளந்து பெய்யும் மழை போல 
தடை எதையும் தாண்டி விடுமே. 

அருகில் 
இருக்கும் போது பேசும் 
இல்லாதபோது நினைக்கும் 
உண்மை நட்பு.



இரத்தபாசம் கூட பிரிகின்றது 
சொத்து, பொறாமை இருக்கும்போது 

காதல் கூட தோற்கின்றது 
சாதி , அந்தஸ்து என்று வருகின்றபோது 

திருமணம் கூட தடைபடுகின்றது 
வரதட்சனை, புரியாமை வருகின்றபோது.

வாழ்க்கை கூட கசக்கிறது 
துன்பம் வருகின்றபோது 

நட்பு மட்டும் மலை போல் நிற்கின்றது 
எல்லா நிலையிலும் தாங்குகின்றது.



நட்பு முகவரியக் கூட கேட்காது 
நட்பு பெயரைக் கூட கேட்காது 
சாதி இனம் மதம் பார்க்காது 
இதயம் ஒன்றையே பார்க்கக்கூடியது.



நட்பு மலரும்போது பாரம் குறைகிறது 
நட்பு தொடரும் போது சிறகடித்துப் பறக்கின்றது 

நம்மை தாங்கும் பூமி கூட அதிர்ச்சி தருகின்றது 
நட்பு என்றுமே மகிழ்ச்சி தருகின்றது.

நகம் சதைபோல இருக்கும் நட்பு 
என்றும் பிரியாமல் இருக்கும் 

கண்ணும் இமையும் போலிருக்கும் நட்பு 
என்றும் பாதுகாப்பு தருகின்றது 

நிலவும் வானும் போல சேர்ந்திருக்கும் நட்பு 
வளர்பிறை போல வளர்ந்து வரும்.

கடிதம் மூலம் நட்பு வளர்ந்தது அன்று 
பேஸ்புக் மூலம் நட்பு கிடைக்கின்றது இன்று 

மெயில் மூலம் தொடர்கிறது நட்பு 
மொபைல் மூலம் பேசுகிறது நட்பு 

மெசேஜ் மூலம் பரிமாறிக்கொள்கிறது நட்பு 
சாட் மூலம் வளர்கிறது நட்பு 



உண்மை நட்பு வேண்டும் 
பிரியாத நட்பு வேண்டும் 
நல்ல குணம் கொண்ட நட்பு வேண்டும் 
சிறந்த நட்புச் செல்வம் வேண்டும் 

துன்பம் துடைக்கும் நட்பு வேண்டும் 
நம்பிக்கை வளர்க்கும் நட்பு வேண்டும் 
நுனி கரும்பு போல் இனித்திடும் நட்பு வேண்டும் 
தேன் சுவை கொடுத்திடும் நட்பு வேண்டும் 

உரிமைக்கு குரல் கொடுக்கும் நட்பு வேண்டும் 
விட்டுக்கொடுக்கும் நட்பு வேண்டும் 
உதவிக்கரம் நீட்டும் நட்பு வேண்டும் 
பகைவரிடமிருந்து காக்கும் நட்பு வேண்டும்.

அகம் புறம் அன்பு காட்டும் நட்பு வேண்டும் 
சிரித்துப் பழகும் நட்பு வேண்டும் 
நல்லதை சொல்லும் நட்பு வேண்டும் 
தீமை கலவாத நட்பு வேண்டும்.

மனம் கோணாத நட்பு வேண்டும் 
தற்பெருமை இல்லாத நட்பு வேண்டும் 
கஷ்டத்தை பகிர்ந்திடும் நட்பு வேண்டும் 
பழகப் பழக அன்பு பெருகும் நட்பு வேண்டும்.



வாழ்க நண்பர்கள் 



கொண்டாடுங்கள் நண்பர்கள் வாரம்!

நன்றி 
வணக்கம்.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^