Pages

Thursday 17 January 2013

நம்பும் வாழ்க்கை - நம்பிக்கையில்லா வாழ்க்கை CONFIDENT AND LESS CONFIDENT LIFE PUTHU KAVITHAI

நம்பும் வாழ்க்கை - நம்பிக்கையில்லா வாழ்க்கை 

CONFIDENT AND LESS CONFIDENT LIFE
PUTHU KAVITHAI
மதுரை கங்காதரன் 


தந்தைக்கு மகனிடத்தில் நம்பிக்கையில்லை 
மகனுக்கு தந்தையினிடத்தில் நம்பிக்கையில்லை 
வாழ்க்கை ஓடுகிறது 

கணவனுக்கு மனைவியின் மேல் நம்பிக்கையில்லை 
மனைவிக்கு கணவன் மேல் நம்பிக்கையில்லை 
குடும்பம் நடக்கிறது 


மக்களிக்கு அரசியவாதியின் மேல் நம்பிக்கையில்லை 
அரசியல்வாதிகளுக்கு மக்களிடத்தில் நம்பிக்கையில்லை 
ஆட்சி நடக்கிறது.

ஒருவனுக்கு தன நண்பனிடத்தில் நம்பிக்கையில்லை 
நண்பனுக்கு அவனிடத்தில் நம்பிக்கையில்லை 
நட்பு தொடர்கிறது. 


வியாபாரத்தில் பங்குதாரரின் மேல் நம்பிக்கையில்லை 
பங்குதாரர்களிடையே நம்பிக்கையில்லை 
வியாபாரம் நடக்கிறது.

காதலனுக்கு காதலியிடத்தில் நம்பிக்கையில்லை 
காதலிக்கு  காதலனின் மேல் நம்பிக்கையில்லை 
காதல் தொடர்கிறது.

முதலாளிக்கு ஊழியரிடம் நம்பிக்கையில்லை 
ஊழியருக்கு முதலாளியினிடத்தில் நம்பிக்கையில்லை 
தொழில் நடக்கிறது.


கடன் கொடுப்பவன் அதை வாங்குபவனிடம் நம்பிக்கையில்லை 
வாங்குபவன் கொடுப்பவன் மேல் நம்பிக்கையில்லை 
வட்டி தொழில் நடக்கிறது.

பக்தனுக்கு கடவுளின் மேல் நம்பிக்கையில்லை 
கடவுளுக்கு பக்தனின் மேல் நம்பிக்கையில்லை 
வழிபாடு தொடர்கிறது.

நிரபராதிக்கு நீதிபதி மேல் நம்பிக்கையில்லை 
நீதிபதிக்கு நிரபராதி மேல் நம்பிக்கையில்லை 
நீதிமன்றம் இயங்குகின்றது.

நம்பும் வாழ்க்கை வசந்தம் தரும் 
நம்பாத வாழ்க்கை வாழ்வில் புயல் வீசும் 
ஒரு நிலையில் இருக்கவிடாது.

நம்பாமல் வாழும் வாழ்க்கை 
துடுப்பு இல்லாத படகு 
நூலறுந்த பட்டம்.


ஒருவர் மேல் ஒருவர் கொள்ளும் நம்பிக்கை 
வாழ்வை அர்த்தமுள்ளதாக்கும் 
வாழ்வை வளப்படுத்தும்.


நம்பிக்கை அதிகமாகும்போது அன்பு தானாக வரும் 
சந்தேகப்பேயை துரத்தியடிக்கும் 
அதிர்ஷ்ட தேவதையை அழைத்துவரும்.

உங்களை நீங்களே நம்புங்கள் 
மற்றவர்கள் உங்களை எளிதாக நம்புவர்.
நம்பினால் நினைக்கும் வாழ்க்கை உங்கள் கையில்.

நன்றி 

வணக்கம்.

 


1 comment: