Pages

Friday, 9 November 2012

அரசியல் வெடிகளின் கண் காட்சி - தீபாவளி ஸ்பெஷல் - சிரிப்புக்கு

அனைவருக்கும் 2012 தீபாவளி நல்வாழ்த்துக்கள் 

அரசியல் வெடிகளின் கண் காட்சி -
 தீபாவளி ஸ்பெஷல் - 


அனுமதி - இலவசம் 
இடம் - இல்லாத இடமில்லை 
நோக்கம் - சிரிப்புக்கும் , சிந்தனைக்கும் 
நடத்துபவர்கள் - மத்திய, மாநில அரசுகளும் , மக்களும் 

                  

இப்போது கண்காட்சிக்குள் நுழைகின்றோம்.

வாங்க! வாங்க ! நான் தான் உங்களுக்கு வழிகாட்டி ....


                          

" முதலில் 'விலைவாசி வெடி ' யை பார்ப்போம்."

"அதுலே என்னங்க அப்படி விஷேசம் !"

" என்ன அப்படி கேட்டீங்க! சென்ட்ரலும் , ஸ்டேடும் சும்மா எகிறி, எகிறி , பறந்து, பறந்து போட்டி போட்டுட்டு வேடிக்கை காண்பிக்கும். "

**************************************************************************

                        

இரண்டாவது இப்போது புதுசா வந்திருக்கும் 'மின்சார வெடி '

" அடேயப்பா இதை தொட்டா 'சாக்' அடிக்குமா? "

"அட போங்க சார்! கரண்ட் வந்தாத்தானே 'சாக் ' அடிகிறதுக்கு. அது வேறே. இது வேறே! இந்த வெடியை  பத்தவச்சா எப்போ எப்போ வெடிக்கும்ன்னு சொல்ல முடியாது. பாதி நாளுக்கு மேலே வெடிக்காது."

" அப்போ தைரியமா குழந்தைங்களுக்கு கொடுக்கலாம்!!!"

=====================================================================

                      

மூன்றாவதா நாம பார்க்கப் போறது 'ஊழல் வெடி'

"இது தாங்க இருக்கிறதிலே பெரிய வெடி. இதுலேயும் 2ஜி , நிலக்கரி, கிரானைட்  வெடிங்க தான் ரொம்ப பேமஸ்."

"என்னங்க பேமஸ்?"

" முதல்லே பயங்கரமா வெடிக்கிறாப்லே ஆ.../ ஊ ..ன்னு குதித்து சீரும். கடைசியிலே புஷ்ஷுன்னு போய்விடும்."

"பாவ்லா காட்டுற வெடின்னு சொல்லுங்க !"

======================================================================
                              

நான்காவதா நாம தெரிஞ்சுக்க வேண்டிய வெடி 'லஞ்ச வெடி'

" ஆக இத வெடிக்கிறதுக்கும் லஞ்சம் கேட்குமோ??"

" அப்படியில்லீங்க! இதோ ரொம்ப ரொம்ப அளவுலே சின்னதா இருக்கே பரபரப்பாக பயங்கர சத்தத்தோடு வெடிக்கும். ஆனா அதோ மிகப் பெரிசா இருக்கே பத்திகிறதும் தெரியாது , வெடிக்கிறதும் தெரியாது. எல்லாம் கமுக்கமா வெடிக்கும். ஒருவகையிலே பெரிய மட்டத்தில் உள்ளவங்களுக்கு  அது 'சைலன்ஸ் ப்ரூப் வெடி சின்ன மட்டத்தில் இருக்கிறவங்களுக்கு பயங்கர சத்தத்துடன் வெடிக்கிற வெடி"

" ஆளப்பாத்து வெடிக்கிற வெடின்னு சொல்லுங்க!"

+++++++++++++++++++++++++++++++++++++++++++++++++++++++++++++++++++++++
                    

ஐந்தாவதா நாம பார்க்க இருப்பது......

"சீக்கிரம் சொல்லுங்க . ரொம்ப ரொம்ப இன்டரெஸ்டிங்கா இருக்கு! "

" பொறுங்க ! பொறுங்க ! இது தான் ...."

"என்னங்க இந்த வெடிமேலே ஒரு டப்பா இருக்கு."

" இதுக்கு பேரு தான் 'பிரதமர் வெடி' அதாவது இது தானாகவும் வெடிக்காது, உசுப்பேத்தினாலும் வெடிக்காது "

"அப்போ எதுக்குங்க 'வெடி' ன்னு பேரு வச்சிருக்கீங்க?"

" இந்த வெடியோட ஒரு டப்பா இருக்கா! அது தான் வெடியோட 'ரிமோட்" இத அம்மா கையிலே கொடுத்து அவங்க அமுக்கினாத் தான் வெடிக்கும். வேறு யார் அமுக்கினாலும் வெடிக்காது"

"ரொம்ப விசுவாசமான வெடின்னு சொல்லுங்க!"

----------------------------------------------------------------------------------------------------------------------

                         

ஆறாவதா நீங்க பார்க்கிறது 'ஜனாதிபதி வெடி '

" இதாவது நல்ல வெடிகுமா ?"

" இதோட விஷேசம், நல்லா வெடிக்குன்னு தெரிஞ்சும் 'என்னை வெடிங்க! என்னை வெடிங்கன்னு எல்லோரிடத்திலும் கெஞ்சும்.'"

" ரொம்பவே அடிபட்ட வெடிபோல இருக்கு "

............................................................................................................................................


                          

எழாவதா .............

" அது பார்க்கிறதுக்கு முன்னாடி ரொம்ப பசிக்குதே!"

" ஒருவேளை பசிக்கே உங்களாலே தாங்க முடியல்லே , இந்த வெடி 'ஹசாரே வெடி. பசியோட பத்தவச்சாத் தான் அது வெடிக்கும். முதல்லே ஒண்ணா இருக்கும். பிறகு ரெண்டா பிரியும். அதுலே ஒன்னு புஸ.. இன்னொன்று டுப் .. டுப்  ன்னு மெல்ல வெடிக்கும்."

" எந்த வெடி நம்புறதுன்னு தெரியல்லே!"

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^


                        

எட்டாவதா நீங்க ................

" என்ன வெடின்னு உடனே சொல்லிடுங்க. பார்க்காமே போனா என் தலையே வெடிச்சிடும் போல இருக்கு "

" இங்கே இருக்கிற வெடிங்க அவ்வளவு எப்பெக்ட் இருக்குன்னா பாத்துக்குங்க. சரி , இது தான் 'பெட்ரோல் வெடி'. இது ராத்திரியில் மட்டும் தான் வெடிக்கும். அதுவும் திடீர், திடீரென்று வெடிக்கும். அதுவும் ஒரு குறிப்பிட்ட வெளி நாடுங்க பத்தவெச்சா உள் நாட்டிலே தானா வெடிக்கும்."

" அப்படீன்னா இதோட ரிமோட் வெளிநாட்டுங்க கையில் இருக்குன்னு சொல்லுங்க."

" ரொம்ப சரியாச் சொன்னீங்க!"

@@@@@@@@@@@@@@@@@@@@@@@@@@@@@@@@@@@@@@@@@@

                            

ஒன்பதாவதா .....

" இருங்க, இருங்க ஒரு சந்தேகம் . இதுங்க லோக்கலா? அல்லது இறக்குமதி செஞ்சந்துங்களா ?"

" இது வரைக்கும் பார்த்தது லோக்கல். இப்போ நீங்க பார்க்கிறது 'சில்லறை வர்த்தகம் வெடி'. இதுங்க அந்நிய முதலீடு தயாரிப்பு ! இது தான் லேட்டஸ்ட் ரிலீஸ். ரொம்ப சஸ்பென்சா இருக்கிற வெடி. எங்களுக்கே எப்படி வெடிக்கும்ன்னு தெரியாது. அத தெரிஞ்சுகிறதுக்கு எங்களுக்கும் ரொம்ப ஆவலா இருக்கு"

" எங்களுக்கும் தான். பொறுத்துப் பார்ப்போம் !!!"

###############################################################################

                         

பத்தாவதா 'தங்க வெடி'

" அப்படின்னா, இது பணக்காரங்க வெடின்னு சொல்லுங்க "

" சரியாச் சொன்னீங்க. இது விஷேச நாள்லே சரமாறியா வெடிக்கும். ஆனா இதப்பாருங்க .."

" என்னங்க ஆச்சரியமா இருக்கு! அதே போல இருக்கு. இது என்னங்க!"

" அது பணக்காரங்க வெடின்னா , இது ஏழைங்க வெடி. இதுக்கு பேரு 'கவரிங் ' வெடி."

" பரவாயில்லையே! "

&&&&&&&&&&&&&&&&&&&&&&&&&&&&&&&&&&&&&&&&&&&&&&&


                    

பதினொன்றாவதா இது தான் ' எம்.எல். ஏ  வெடி '

" இந்த வெடியோட மகிமை என்னவோ ?"

" இந்த வெடி தன்னோட தொகுதி பக்கம் தல காண்பிக்காது. ஏன்னா தன்னோட தொகுதியிலே வெடிக்காது. சில சமயம் தாவித் தாவி வெடிக்கும்!"

(((((((((((((((((((((((((((((((((((((((((((((((((())))))))))))))))))))))))))))))))))))))))))))))))))))))))))))))))))))


                

பன்னிரெண்டாவதாக ' ஓட்டு வெடி'

" என்னது "

" ஆமாங்க. ஒரு தடவை பத்தவச்சா , அஞ்சு வருஷம் பத்தவச்சவங்களை பாஞ்சு பாஞ்சு வெடித்து கஷ்டம் கொடுக்கும்."

" ரொம்ப பயங்கரமான வெடி போல இருக்கு.!"

" நல்லா சொன்னீங்க. வெடிக்கிறதுக்கு முதல்லே காசு கொடுப்பாங்க. ஆனா பலமடங்கு பணம் நம்ம கிட்டே இருந்து பிடிங்கிடுவாங்க."

_______________________________________________________________________________

                       

அடுத்து..... ....

" போதுங்க... இப்போதே தலை பட்  பட்டுன்னு வெடிக்கிறாப்பிலே இருக்கு. மீதியை அடுத்த தடவை வந்து பார்க்க வருகிறோம்."

" இருங்க இன்னும் அரிசி வெடி, பேருந்து கட்டண வெடி, டீசல் வெடி, பால் வெடி, பள்ளிக் கட்டணவெடி , காய்கறி வெடி, எல்.பி.ஜி வெடி, வாக்குறுதி வெடி ..... "

" போதுமடா சாமி! இன்னும் கொஞ்ச நேரம் இங்கிருந்தா நானே வெடிச்சுடுவேன்  போலிருக்கு. உங்களுக்கு ரொம்ப நன்றி.."

|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||



இன்னும் தொடரும் .....