Pages

Saturday, 29 March 2014

இது தாங்க நம்ம அரசியல் (சிரிக்க மட்டும்) THIS IS OUR POLITICS (ONLY FOR JOKES)

இது தாங்க நம்ம அரசியல்! (சிரிக்க மட்டும்)


THIS IS OUR POLITICS ! (ONLY FOR JOKES)

MADURAI GANGADHARAN 



"அந்த ஒலி பெருக்கி அமைப்பாளர்கிட்டே அப்படி என்ன விசேசம் இருக்கு?"

"கூட்டத்திற்கு ஆட்கள் யாருமே வராவிட்டாலும் பரவாயில்லை. அப்பப்போ பின்னணியிலே மக்களோட கைதட்டலும் , விசில் சப்தமும் வர்றமாதிரி செஞ்சு கொடுப்பார் "

*********************************************************************************************************************


"தலைவரே ! நம்ம கட்சி ஆட்சிக்கு வரணும்னா விளம்பரம் கொடுத்தாத் தான் நடக்கும்"

"அப்படி என்ன விளம்பரம் ?"

"பிரபல கட்சியில் சேர்ந்து போட்டியிட கோடீஸ்வரர்களும், நடிகைகளும் உடனடி தேவை"

"???????????"

*********************************************************************************************************************  
 " என்னப்பா, பார்த்து ரொம்ப நாளாச்சு ! என்ன தொழில் செய்றீங்க? 

"கட்சி கூட்டத்திற்கு ஆட்கள் சேர்கிற ஒப்பந்தக்காரராக இருக்கிறேன். என்கிட்டே ஒவ்வொரு மாநிலத்திலேயும் ஒரு லட்சம் பேர்கள் உறுப்பினராக இருக்காங்க. அப்பப்போ கிடைச்சாலும் ரொம்ப நல்லாவே கிடைக்குது"

"அப்படியா ! நல்லா செஞ்சு முன்னேறுங்க"

******************************************************************************************************************


"என்னப்பா, செய்தித்தாளைப் படிச்சுட்டு ரொம்ப சோகமா இருக்கிறே ?"

" பின்னே என்னங்க ! ஐம்பதாயிரம் ரூபாய்க்கு மேலே லஞ்சம் வாங்க முடியாம பண்ணீட்டாங்க ! அதுக்கு மேலே பணம் வாங்கினா எங்கிருந்து , எப்படி பணம் வந்திச்சுன்னு தேர்தல் ஆணையம் கேட்குமாம் !"

"?????????????????????"

********************************************************************************************************************


" இன்னைக்கு என்னோட வேலை முடிஞ்சிருச்சி ! இனிமே யாராவது வந்தா நாளைக்கு காலாகாலத்திலே வரச்சொல்லுங்க"

"ஏங்க அப்படி?"

"இப்பவே லஞ்சம் ரூபாய் 49,000/= சேர்ந்திருச்சி. அதுக்கு மேலே வாங்கினா தேர்தல் ஆணையம் என்னைய பிடிச்சிடும்?"

*********************************************************************************************************************

"ஏங்க தலைவரு கூட்டத்திலே பேசுறததுக்கு முன்னாடி மூன்று கவரை மாறி மாறி பார்த்துட்டே இருக்கிறாரு"

"அதுவா? அது வந்து .... கட்சி மேலிடம் எப்போ என்ன வேண்டுமானாலும் செய்யலாம். அதனாலே முன்னெச்சரிக்கையா இருக்கிறாரு !  தான் பேசப் போற பேப்பருங்க அது !  கட்சியிலே இருந்தா ஒரு பேச்சும், கட்சியை விட்டு நீக்கிட்டா ஒரு பேச்சும், எதிர்கட்சியிலே சேர்வதா இருந்தா ஒரு பேச்சும்ன்னு மூன்று மாதிரி எழுதி வைச்சுருக்கிறார்".  

******************************************************************************************************************


"ஏங்க கூட்டம் அமைப்பாளரை ஒரு சின்னத்த்திரை தொகுப்பாளர்கிட்டே தலைவரு கொடுத்திருக்கிறாரு "

"நடுநடுவே சிரிப்போடு கைத்தட்டலும் வர்ற மாதிரி சரியா பண்ணுவாரு. அதாவது சின்னத்திரையிலே வர்ற மாதிரி"

*******************************************************************************************************************

" ஏங்க நம்மத் தலைவரு எப்ப பார்த்தாலும் எதிர்கட்சி கூட்டத்திற்கு மறுநாள் கூட்டம் போடுறாரு "

"அதுக்குக் காரணம், பந்தல் செலவு மிச்சம், நேற்று கூட்டத்துக்கு வந்தவங்களை சாப்பாடு கொடுத்து அங்கேயே தங்கவச்சு மறுநாள் நடக்க இருக்கும் கூட்டத்திற்கு ஆட்கள் சேர்க்க வேண்டிய அவசியமில்லை"

" ??? "

*********************************************************************************************************************

" நாலு பேர் கூட வராத கூட்டத்திலே நம்மத் தலைவரு 'எங்களோட படைபலம் இந்த நிகழ்ச்சி நாளை சின்னதிரையிலே ஒளிபரப்பும்போது பாருங்கன்னு ஏன் சொல்றாரு"

" அதாவது இந்த நிகழ்ச்சி ஒளிபரப்பும் போது இலட்சக்கணக்கான மக்கள் இருக்கிறமாதிரி சேர்த்துவிட்டுருவாங்க. பார்க்கிறவங்களுக்கு மலைப்பாகவும் ஆச்சரியமாகவும் இருக்கும். முக்கியமா எதிர்கட்சியினருக்கு "

" சும்மா 'பில்ட் அப் 'ன்னு சொல்லு "


*********************************************************************************************************************
  
       நன்றி .... வணக்கம்....