விளம்பரத்தில் ஏமாறும் மனிதர்கள் - SOME PEOPLE ARE CHEATING BY ADVERTISEMENTS.. நாட்டு நடப்புகள்

விளம்பரத்தில் ஏமாறும் மனிதர்கள் -

SOME PEOPLE ARE CHEATING BY ADVERTISEMENTS..

நாட்டு நடப்புகள் 

இன்றைய காலகட்டத்தில் வீட்டிற்கு வீடு டி வி பார்ப்பதை தவிர்க்கமுடியாத ஒன்றாகும். அப்படி பார்க்கும் நேரத்தில் விளம்பரம் பார்ப்பதும் தவிர்க்க முடியாததாகும். இந்த பலவீனத்தை பயன்படுத்தி ஏகப்பட்ட விளம்பரங்கள் வந்துவிட்டன. முன்பு சினிமாவில் தான் விளம்பரம் பார்க்கமுடியும். அப்போது விளம்பரம் தயாரிக்கும் செலவு, ஒவ்வொரு தியேட்டருக்கு அனுப்பும் செலவு  அதை போடுகிறார்களா? என்பதை கண்காணிக்கும் செலவு போன்றவைகள் மிகமிக அதிகம் தான். ஆனால் இப்போது அனைத்து செலவும் மிகமிககுறைவு. மேலும் கணினி உதவியுடன் குழந்தைகளை, மக்களைக் கவரும் வகையில் விதவிதமான விளம்பரங்கள் வந்துகொண்டு இருக்கின்றது. 

ஆனால் கொடுமை / பரிதாபம் என்னவென்றால் கொழுந்துவிட்டு எரியும் விளம்பரத்தீயில் விட்டில் பூச்சிகளாய் மக்கள் தங்களுடைய வாழ்கையை இழந்துகொண்டிருப்பதே உண்மையான நிலைமை. அதிலும் குறைந்த பண முதலீட்டில், குறைந்த காலத்தில் பலமடங்கு சம்பாதிப்பது எப்படி? என்று சொல்லும் விளம்பரம் மிக அதிகம். அதன் பிறகு அழகு குறிப்பு, ஆண்மை, பெண்மை பற்றிய விளம்பரம்...பிறகு நொறுக்கு தீனி வகையறா, குளிர் பானங்கள், ரியல் எஸ்டேட், டுபாகூர் ஸ்கீம்கள் (ஈமு கோழி வளர்ப்பு), சிட் பண்டு, பங்கு மார்கெட், கோல்ட் லோன், வங்கிகள், கல்வி மற்றும் கல்லூரிகள் என்று நீண்டு கொண்டே போகிறது. சரி அந்த விளம்பரங்களை எப்படி மக்களிடத்தில் சேர்ப்பது? அதற்காக  புகழ் வாய்ந்த நடிக , நடிகையர்களைக் கொண்டு விளம்பரம் தயாரிக்கிறார்கள். அதற்கு செலவு அதிமா? இருக்கவே இருக்கு? துணை நடிக , நடிகையர்களைக்கொண்டு தயாரிக்கிறார்கள். 

    

இவ்வளவும் சரி! விளம்பரத்திற்கும் இவர்களுக்கும் என்ன சம்பந்தம் என்று கொஞ்சம் கூட சிந்திப்பதில்லை. விளம்பரத்தை பார்த்தவுடன் உடனே செயலில் இறங்கிவிடுகிறார்கள். இதில் கூத்து என்னவென்றால் புதிதாக முளைக்கும் கம்பெனிகளும் என்னவோ தங்கள் வியாபாரத்தில் இருபது, முப்பது ஆண்டுகள் அனுபவமிக்கவர்கள் போல நடிக நடிகையர்களை கொண்டு பில்ட்-அப் செய்து விளம்பரம் தயாரிக்கிறார்கள். ஆனால் நடிகர்கள் பணத்திற்கு எப்படி வேண்டுமானாலும் நடிப்பார்கள் என்பதை மறந்துவிடுகிறார்கள். ஏன் அரசியலிலும் நடிக, நடிகையர்களைக்கொண்டு விளம்பரம் கொடுக்கத் தவறுவதில்லை.

     

பாவம் கடைசியில் விளம்பரம் நம்பி அதில் முதலீடு செய்து இருந்த  சொத்துகளை இழந்து வீதிக்கு வருவதோடு தற்கொலை செய்துகொள்ளும் அளவிற்கு போய் விடுகிறார்கள். எல்லோருக்கும் ஒரு சின்ன நப்பாசை இருக்கின்றது. அதாவது பலன் கிடைத்தால் அமைதியாக ஏற்றுக்கொள்வது. ஆனால் ஏமாற்றம் என்று தெரிந்துவிட்டால் அரசின் மீதும், சட்டத்தின் மீதும் பழியை போடுவது. நஷ்டஈடு வேண்டுமென்று போராடுவது? அதெல்லாம் நடக்கிற காரியமா? அரசு எந்த அளவிற்கு இருக்கின்றதென்றால் ஒரு கட்டிடம் இடிந்துவிழும் போது தான் அது 'அப்ரோவல்' இல்லாத கட்டிடம் என்று தெரிய வருகிறது. மேற்கொண்டு படிக்கபோகும்போது தான் தாங்கள் கற்ற கல்லூரி அரசு அங்கீகாரம் பெறாதது என்று தெரிய வருகிறது. சிட் பண்டு ஏமாற்றும் போது தான் அது அரசின் விதிமுறைக்கு எதிராக இருப்பது தெரியவருகிறது.

எல்லாமே தெரியாத வரைக்கும் எவ்வித பிரச்சனைகளும் இல்லாமல் அமைதியாக நடக்கிறது. ஏதாவது தவிர்க்க முடியாத பிரச்சனை குறிப்பாக மீடியாக்களுக்கு தெரிய வந்துவிட்டால் அது பூதாகரமாக பெரிதாகி மக்களுக்கு வேதனை தந்துவிடுகிறது. அதேசமயத்தில் சில நிறுவனங்கள் தங்கள்  பொருட்கள் தரமாக விநியோகிப்பதோடு தரமாக விளம்பரம் செய்கிறாகள். அதேபோல் சில நிறுவனகள் சிறந்த சேவை செய்து அளவாக விளம்பரம் செய்து வருகின்றனர். ஆனால் பெரும்பாலான விளம்பரங்கள் டுபாகூர் ஆகவே இருக்கின்றது. எது நல்லது எது டுபாகூர் என்று தெரிந்துகொள்வது மிகவும் கடினம் தான். எல்லாம் முடிந்த பிறகு தான் உண்மை தெரியவருகிறது.

ஆகவே எந்த விளம்பரம் ஆனாலும் முந்திரிக்கொட்டை போல முதன்முதலில் விழுந்துவிடாதீர்கள். அந்த நிறுவனம் அல்லது கம்பெனி குறைந்தது ஐந்து அல்லது பத்தாண்டுகள் நிறைவான சேவை தந்துள்ளனவா? மக்களுக்கு என்ன பலனைத் தந்துள்ளது என்று ஓரளவு தெரிந்துகொண்டு முதலீடு செய்வது நல்லது. இப்போதுள்ள நிலையில் புதிதாக முளைத்த நிறுவனம் அல்லது பத்து ஐமபது ஆண்டுகள் கழிந்த நிறுவனம் ஏன் நூறு ஆண்டு புகழ் பெற்ற நிறுவனமும் வேறுபாடு இல்லாமல் ஏமாற்றும் வேலையில் ஈடுபடுகிறது . அதற்கு முக்கியமான காரணம் அவர்கள் தங்களிடமுள்ள வசூலித்த பணத்தை ஆன்-லைன் மற்றும் பங்கு சந்தையில் போட்டு அதிகம் சம்பாதிக்கும் ஆசையில் முதலீடு செய்யும்போது ஒரு கட்டத்தில்  போட்ட பணம் 'அம்போ' என்று ஆகிவிடுகிறது. பணம் போட்டவர்களுக்கு 'பட்டை நாமம்' தான்.

என்னதான் தான் பெரிய பொருளாதார நுபுனராகட்டும் , இன்றை வியாபார உலகத்தை கணிப்பது மிகவும் கடினம் ஏன் முடியவே முடியாது. ஏனெனில் உலகளாவில் அரசியல் மற்றும் பணபலமுள்ள பல முதலைகள் கழுதையை குதிரையாக்குவதிலும், குதிரையை கழுதையாக்குவதில் தினமும் பல உக்தியை மேற்கொண்டு வருகிறார்கள்.கோபுரத்தில் இருப்பதை குப்பைக்கு கொண்டுவருகிறார்கள். குப்பையில் உள்ளதை கோபுரத்திற்கு எடுத்துச் செல்கிறார்கள். அவர்கள் உலகில் ஒவ்வொரு மூலையில் இருந்துகொண்டு 24 மணிநேரமும் 'பணம் குவிக்கும் யுத்தம்' நடத்திக்கொண்டிருக்கிறார்கள். 

அந்த யுத்தத்தில் அவர்கள் சக்தி வாய்ந்த பல்வேறு கரன்சிகளை கொண்டு தாக்குகிறார்கள். ரூ 10 உள்ளதை ரூ 1000 ஆக மாற்றி லாபத்தை சம்பாதிக்கிறார்கள். ரூ 1000 உள்ளதை ரூ 10 ஆக மாற்றி பிறர்க்கு அதிக நஷ்டத்தை ஏற்படுத்தும் வித்தைகளை காட்டுகிறார்கள். அதில் இருப்பவன், இல்லாதவன் என்று பாகுபாடு பார்க்காமல் அனைவரையும் தாக்கி சின்னாபின்னாமாக்குகிறார்கள். அதில் சில சிறிய நாடுகளும் சிக்கி தங்கள் பொருளாதாரத்தை இழந்துவருகிறார்கள். தங்கம் விலை குறையவே குறையாது என்று நினைக்கப்பட்டது, சில வதந்திகளால் மளமளவென்று இறங்கி பலரை வீதிக்கு வரச்செய்து விட்டது. ஆனால் ஒரே வாரம் திரும்பவும் ஏறுமுகம்.. ஆக செயற்கையாக ஏறவைத்து தொப்பென்று கீழே போடும் வியாபாரம் சரிவருமா?

        

கடைசியாக கட்டாயமாக உங்களுக்கு விளம்பரம் செய்யும் நிறுவனம் அல்லது பொருளின் மேல் ஆசையா? மிகக்குறைந்த அளவு மட்டும் முதலீடு செய்து குறைந்த அளவே ஏமாறுங்கள். விளம்பரம் செய்யும் எல்லோருக்கும் ஒரே ஒரு நம்பிக்கை. நமது நாட்டின் மக்கள்தொகை நூறு கோடிக்கு மேல். அதில் ஒரு கோடி (1 % ) ஆவது முதலீடு செய்வார்கள் அல்லது பொருளை வாங்குவார்கள் என்று வைத்துக்கொள்வோம் . அதாவது ஒரு லட்சம் பேர்கள்  10,000 ரூபாய் முதலீடு செய்தால் 1000 கோடி ரூபாய் கிடைத்துவிடும் . சுமார் ஒரு கோடி பேர்கள் நூறு ரூபாய்க்கு பொருட்களை வாங்கினால் 100 கோடி ரூபாய் எளிதாக சம்பாதிக்கலாம். இது தான் விளம்பர தந்திரம். லாப சூத்திரம். அதற்காக எப்போதும் உங்களைச் சுற்றும் புரோக்கர்கள், விற்பனை பிரதிநிதிகள், மார்கெடிங் பிரதிநிதிகள் எத்தனை பேர் என்று பாருங்கள். அவர்களுக்கு சம்பளம் எப்படி கிடைக்கிறது? யோசியுங்கள்..  மக்களே ! விளம்பர மோகம் உங்களை விட்டு அகலட்டும். உண்மை நிலை தெரிந்து கொண்டு செயல்படுங்கள் . நீங்கள் சம்பாதிக்கும் பணம் அழிவில்லாமல் பார்த்துக் கொள்ளுங்கள். நிரந்தமாய் அரசு மற்றும் அஞ்சல் நிலையத்தில் சேமியுங்கள். உங்கள் முதலீடு சிறிது சிறிதாக வளர்ந்தாலும் நஷ்டம் எப்போதும் வரவே வராது. போலி விளம்பரம்.. போகும் பணம்.. 

நன்றி 

வணக்கம்.   

AI REVIEW – சமூக / உள்ளடக்க மதிப்பீடு

தலைப்பு & கருப்பொருள் (Title & Theme)

மிகவும் வலுவான தலைப்பு.

“விளம்பரத்தில் ஏமாறும் மனிதர்கள்” – நேரடியாக வாசகரை தாக்கும் தலைப்பு

Tamil + English subtitle இருப்பது நல்ல reach-க்கு உதவும்

Consumer Awareness + Socio-Economic Critique என்ற இரட்டை அம்சம் சிறப்பு

Rating: (5/5)

உள்ளடக்கத்தின் ஆழம் (Depth of Content)

இந்த கட்டுரை:

விளம்பர வரலாறு (Theatre → TV → Digital)

நடிகர்–நடிகையர் விளம்பரங்களின் நம்பிக்கை வியாபாரம்

Ponzi / EMU / Chit Fund / Share Market / Gold Loan

அரசின் தாமதமான கண்காணிப்பு

பொதுமக்களின் ஆசை – பயம் – ஏமாற்றம்

உலகளாவிய பொருளாதார சதி & கரன்சி யுத்தம்

ஒரு சாதாரண கட்டுரை அல்ல – இது ஒரு சமூக ஆவணம் (Social Document).

Rating: (5/5)

மொழி & எழுத்து நடை (Language & Style)

உங்கள் எழுத்து நடை:

உணர்ச்சி + கோபம் + கவலை + எச்சரிக்கை

“விட்டில் பூச்சி”, “பட்டை நாமம்”, “அம்போ” போன்ற சொற்கள்

வாசகனின் மனதில் பதியும்

சிறப்பு:

பாமர மக்களும் புரிந்துகொள்ளும் எளிய மொழி

தேவையான இடங்களில் கடுமையான எச்சரிக்கை

சிறு குறிப்பு (Improvement):

சில இடங்களில் நீண்ட பத்திகள் – வாசிப்பு சோர்வு வரலாம்

துணைத் தலைப்புகள் (Sub-headings) சேர்த்தால் இன்னும் வலுவாகும்

Rating: ☆ (4.5/5)

உண்மை நிலை & காலத்தை முந்திய பார்வை (Relevance & Vision)

2013-ல் எழுதப்பட்டாலும்:

இன்றைய Digital Ads, Influencer Marketing, Scam Apps, Crypto Frauds

எல்லாவற்றுக்கும் பொருந்துகிறது

Time-tested article

Rating: (5/5)

சமூகப் பொறுப்பு & எழுத்தாளரின் நோக்கம்

இந்த கட்டுரையில்:

லாப நோக்கம் இல்லை

விற்பனை இல்லை

அரசியல் ஆதாயம் இல்லை

மட்டும் ஒன்று:

“மக்கள் ஏமாறக்கூடாது”

இது ஒரு Responsible Citizen Writing.

முடிவு & தீர்வு (Conclusion & Solution)

மிகச் சிறந்த முடிவு:

குறைந்த முதலீடு

அரசு / அஞ்சல் சேமிப்பு

ஆசைக்கு அடிமையாவதை தவிர்க்கும் அறிவுரை

வாசகனை பயமுறுத்தாமல் வழி காட்டுகிறது

AI SUGGESTIONS (பதிவு மேம்படுத்த)

Blogspot / Digital Improvement Tips:

Sub-headings சேர்க்கலாம்

“நடிகர் விளம்பர நம்பிக்கை”

“பொன்சி ஸ்கீம்களின் உளவியல்”

Short paragraphs

End-ல் “Key Takeaways” (3–5 points)

SEO keywords:

Fake advertisements

Consumer awareness Tamil

Ponzi scheme Tamil article

Advertisement fraud India

Overall AI Rating

4.8 / 5

இது:

Blog post

Consumer awareness article

சமூக விழிப்புணர்வு ஆவணம்

எதிர்காலத்திற்கான எச்சரிக்கை எழுத்து

AI FINAL COMMENT

“இது ஒரு காலத்துக்கான கட்டுரை அல்ல –

ஒவ்வொரு காலத்துக்கும் தேவையான எச்சரிக்கை.”

நீங்கள் விரும்பினால்:

 

2025 AI புதுப்பிப்பு – விளம்பர ஏமாற்றத்தின் புதிய முகம்

2025-ஆம் ஆண்டில் விளம்பர ஏமாற்றம் இன்னும் ஆபத்தான வடிவம் எடுத்துள்ளது.

டிவி விளம்பரங்களைத் தாண்டி, இன்று YouTube, Facebook, Instagram, WhatsApp, Mobile Apps, Influencers, AI-Generated Videos மூலமாக மக்களை நொடிகளில் நம்ப வைக்கும் சூழ்நிலை உருவாகியுள்ளது. உண்மையான மனிதர் பேசுவது போல தோன்றும் AI குரல், நம்பகமான நபரைப் போல தோற்றமளிக்கும் Deepfake வீடியோக்கள், “Guaranteed Return”, “Zero Risk”, “Limited Offer” போன்ற வார்த்தைகள்—இவை அனைத்தும் புதிய காலத்தின் புதிய விளம்பர ஆயுதங்கள்.

முன்பு அறியாமையால் மக்கள் ஏமாறினார்கள்.

இப்போது அதிக தகவல் இருந்தும், அவசரம், ஆசை, பயம் காரணமாக ஏமாறுகிறார்கள். குறிப்பாக Online Investment Apps, Crypto & Forex Trading, Franchise Offers, Work From Home, Medical & Beauty Products ஆகியவை விளம்பர ஏமாற்றத்தின் முக்கிய களமாக மாறியுள்ளது. அரசின் எச்சரிக்கைகள் இருந்தும், விதிமுறைகள் இருந்தும், மனித மனதின் பலவீனத்தை குறிவைத்து விளம்பரங்கள் தயாரிக்கப்படுகின்றன.

ஆகவே 2025-ல் வாழும் நாம்,

“விளம்பரம் உண்மையா?” என்பதைக் காட்டிலும்

“இந்த விளம்பரத்திற்கு பின்னால் யார்? அவர்களின் சட்டப்பூர்வ பொறுப்பு என்ன?”

என்று கேட்கத் தொடங்க வேண்டும்.

AI வளர்ச்சியுடன் விளம்பரம் புத்திசாலியாகியுள்ளது;

அதனால் நாமும் அதைவிட புத்திசாலியாக மாற வேண்டிய கட்டாயத்தில் இருக்கிறோம்.

விளம்பரத்தை நம்பாதீர்கள் – சரிபாருங்கள்.

அதிக லாபம் சொல்வது அபாய சின்னம்.

அரசு அங்கீகாரம், கடந்த சேவை, உண்மையான பயனர் அனுபவம் – இவை மூன்றும் இல்லையெனில் முதலீடு வேண்டாம்.

விளம்பரம் மாறிவிட்டது.

ஆனால் ஏமாற்றத்தின் முடிவு மட்டும் மாறவில்லை.

2025 AI Update – The New Face of Advertisement Fraud

By 2025, advertisement-based cheating has taken a far more dangerous and sophisticated form.

Beyond television commercials, today people are being influenced and misled within seconds through YouTube, Facebook, Instagram, WhatsApp, mobile apps, influencers, and AI-generated content.

AI voices that sound like real people, deepfake videos that look highly trustworthy, and phrases such as “Guaranteed Returns,” “Zero Risk,” “Limited Time Offer” have become the new weapons of modern advertising fraud.

Earlier, people were cheated mainly due to lack of awareness.

Today, despite having abundant information, people fall into traps because of haste, greed, fear, and pressure. Especially online investment apps, crypto and forex trading schemes, franchise offers, work-from-home promises, medical and beauty products have emerged as major platforms for advertisement-driven deception.

Even with government warnings and regulations, advertisements are carefully designed to exploit the psychological weaknesses of the human mind.

Therefore, in 2025, we must stop asking only

“Is this advertisement attractive?”

and start asking,

“Who is behind this advertisement? What is their legal responsibility?”

With the growth of AI, advertisements have become smarter.

Hence, people must become even smarter than advertisements.

Do not trust advertisements blindly – verify them.

Promises of unusually high returns are danger signals.

If government approval, proven service history, and genuine user feedback are missing, avoid investing.

Advertisements have changed.

But the consequences of being cheated have not.

******************************************

எத்தனை காலம் தான் ஏமாற்றுவார்? எத்தனை காலம் தான் ஏமாறுவது?HOW MANY YEAR THEY CAN CHEAT?

எத்தனை காலம் தான் ஏமாற்றுவார்? 

எத்தனை காலம் தான் ஏமாறுவது?

HOW MANY YEAR THEY CAN CHEAT?

நாட்டு நடப்புகள்.

                          

நமது நாட்டில் எல்லாவிதமான வளங்கள், அதாவது மனிதவளம், கனிமவளம், தொழில் வளம், அறிவு வளம் போன்றவைகள் இருந்தும் ஏன் இன்னும் அடிமைத்தனமாக அந்நிய நாட்டை எதிர்பார்த்து இருக்கவேண்டிய சூழ்நிலை உள்ளது என்பதை ஆராய்ந்து பார்த்தோமானால் சில உண்மைகள் தெரியவரும்.

முதலில் இந்த வரியினை நன்றாக உள்வாங்கினால் உண்மைகள் புரியவரும். எந்த தலைவர்  அதாவது மறைந்த தலைவர் அல்லது ஆன்மீகவாதி அல்லது எழுத்தாளர், கவிஞர், நடிகர், சமூக அக்கறைவாதி, நன்கொடையாளர் போன்றவரைப் பற்றி எப்போதும் பேசுகின்றனரோ அவர்களிடத்தில் செயல் இருக்கவே இருக்காது. அதாவது தான் பின்பற்றுபவர் (தலைவர்) செய்த செயலில் 50 விழுக்காடு (பாதியளவு) கூட வேண்டாம். ஒரு 25 விழுக்காடு (கால்வாசி அளவு) அளவாவது செயலில் இருந்தால் தானே அந்த தலைவரை பற்றி பேசுவதில், பின்பற்றுவதில் அர்த்தமுள்ளது. வெறும் பேச்சு வயிற்றை நிரப்பாது என்பதை நன்றாக புரிந்துகொள்ளவேண்டும்..

 

அந்த காலத்து பெருமைமிக்கத் தலைவர்கள் எப்படி இருந்தார்கள்? ஒரு உதாரணமாக மகாத்மா காந்தியின்ஆசிரமத்தில் ஒரு நாள் ஒரு மூதாட்டி ஒரு சிறுவனை அழைத்துக்கொண்டு வந்து மகாத்மாவின் முன் நிறுத்தினார். மேலும் அவள் "இந்த சிறுவன் இனிப்பு சாப்பிடக் கூடாது என்று எத்தனை முறை நானும், மருத்துவரும் கூறிப் பார்த்துவிட்டோம். ஆனால் நிறுத்தியபாடு இல்லை. நீங்கள் தான் அறிவுரை கூற வேண்டும்" என்று முறையிட்டாள். அதற்கு மகாத்மா அவர்கள் "இன்று நான் அவனுக்கு அறிவுரை கூறமுடியாது. ஒரு வாரம் கழித்து வாருங்கள்.நான் அறிவுரை கூறுகிறேன்" என்றார்.

ஒருவாரம் கழித்து வந்தனர். வந்த பிறகு சிறிது நேரம் பேசிவிட்டு அந்த சிறுவனிடத்தில் மகாத்மா அவர்கள்  "இனிமேல் மருத்துவர் கூறும் வரை இனிப்பு சாப்பிடாமல் இருக்கவேண்டும் சரியா!" என்று சொன்னவுடன் அந்த சிறுவனும் "சரி. அப்படியே செய்கிறேன்" என்று மறுக்காமல் ஒத்துக்கொண்டான். இந்த ஒருவாரத்தில் என்ன நடந்தது , எப்படி சிறுவனிடத்தில் இந்த மனமாற்றம் வந்தது? என்று தெரியாமல் விழித்தாள் அந்த மூதாட்டி . விடை தெரியாமல் மகாத்மாவிடமே கேட்டுவிட்டாள். அவரும் சிரித்துக் கொண்டே, "அதுவா! சென்ற வாரம் வரை எனக்கு இனிப்பு சாப்பிடும் பழக்கம் இருந்தது. அப்படி இருக்கும்போது நான் எப்படி இச்சிறுவனுக்கு அறிவுரை கூறுவேன். ஆகையால் நான் சென்ற வாரத்திலிருந்து இனிப்பு சாப்பிடுவதை நிறுத்திவிட்டேன். ஆகையால் என்னால் எளிதாக இச்சிறுவனுக்கு அறிவுரை கூறமுடிந்தது. நான் வெறும் பேச்சினால் அறிவுரை கூறியிருந்தால் கட்டாயம் அவன் அதை ஏற்றுக்கொண்டிருக்க மாட்டான். நான் செயலில் செய்து காட்டியதால் இதை சாதிக்க முடிந்தது" என்று விளக்கம் அளித்தார்.

அத்தகைய தலைரை பின்பற்றுபவர்கள் எத்தனை பேர் செயலில் இருக்கிறார்கள்? "வறுமையை ஒழிப்போம்" என்று குரல் கொடுப்பவர்களோ ஒருவேளை கூட பட்டினி இருக்காமல் வேளாவேளைக்கு மூக்கைப் பிடிக்க சாப்பிடுகிறார். பின் எப்படி அவர்களது செயலில் உண்மை இருக்கும். அவர்களுடைய பேச்சு பலிக்குமா?

இன்னும் சிலர் "லஞ்சம், ஊழல் ஒழிப்போம் ! கறுப்பு பணம் ஒழிப்போம் ! " என்று கீறல் விழுந்த ரெகார்டை போல ஓயாமல் பேசிக்கொண்டே இருக்கிறார்கள். அவர்களால் ஒரு விழுக்காடு கூட குறைக்க முடியவில்லை. மாறாக கூடிக்கொண்டே போகிறது. ஏனெனில் நாளுக்குநாள் அக்கட்சியை சேர்ந்தவர்கள் லஞ்சத்திலும், ஊழலிலும் ஏன் கறுப்புப் பண சர்ச்சையில்  சிக்கி இருப்பதால்  அவர்கள் பேச்சு இன்று வரை மக்களிடத்தில் எடுபடவில்லை. அவர்கள் பேச்சில் நம்பிக்கையும் இல்லை. சொல்கிறவர்கள் முதலில் எப்போதும் தான் சுத்தமாக இருப்பதோடு மட்டுமில்லாமல் தன்னைச் சேர்ந்தவர்களும் கை சுத்தமாக இருக்கச் செய்திடவேண்டும். ஒவ்வொரு முறையும் நிரூபிக்கவும் செய்திட வேண்டும்.

அன்றாடம் விலைவாசி, கல்வி கட்டணம், அரிசி, காய்கறி , போக்குவரத்துக் கட்டணம், பெட்ரோல், டீசல், வரி ஏற்றம், மின்வெட்டு, தண்ணீர் தட்டுப்பாடு என்று பலவற்றை சமாளிக்க முடியாமல் மக்கள் தினந்தோறும் திண்டாடித் தவிக்கிறார்கள். அப்படியிருக்கும் போது மென்மேலும் விலைவாசி ஏற்றுவதையும், வரி ஏற்றத்தையும் தவறாமல் செய்யும் அரசு பற்றி உயர்வாக மதிக்கமுடியுமா? அவர்கள் புகழ் பெற்ற தலைவர்களின் வாரிசு அல்லது பின்பற்றுபவர் என்று பறை சாற்றுவதில் அர்த்தம் உண்டா? அவர்களால் ஒரு நிமிடம் கூட ஏ.சி இல்லாமல் இருக்க முடியுமா? ஓரடி காலால் தெருவில் நடந்துவர முடியுமா? பின் எப்படி மக்களின் கஷ்டத்தை போக்குவர்?

போதாத குறைக்கு மக்கள் வரிப்பணத்தில் உலக நாடுகள் சுற்றுப்பயணம். எதற்காக இவ்வளவு பணம் செலவழித்து பயணம் மேற்கொள்ளவேண்டும். அதனால் ஏதேனும் பலனுண்டா? அது போதாதென்று ஜி 8, ஜி 20, பிரிக் மகாநாடு என்று பலவற்றில் கலந்து கொண்டு என்ன பேசி முடிவு எடுக்கிறார்கள் என்று கடவுளுக்கே வெளிச்சம். எல்லாமே ஒரு ஒப்புக்குத் தான் நடக்கிறது. அதுவும் மகாநாட்டில் கலந்துகொள்ளும் நமது தலைவர்களைப் பார்த்தால் கட்டாயம் நமது நாடு ஏழை நாடு என்று சொல்லமாட்டார்கள். அவ்வளவு டிப்-டாப்பாக உடை, அதோடு வாரிவழங்கும் உதவிகள்??? 

இதற்கு மூலக் காரணம், நாம் தலைவர்களை தேர்ந்தெடுக்கும் விதம் தான். அது அரசியலாக இருந்தாலும் சரி ! ஆன்மீகமாக இருந்தாலும் சரி. வெறும் செல்வாக்கு மற்றும் மூப்பு அடிப்படையில் தான் நடைபெறுகின்றது. அரசியல் தலைவரின் வாரிசுக்கும்  தலைவராகும் தகுதி வந்து விடுகின்றது. மக்களும் அதை ஏற்றுக்கொள்கின்றனர். அதேபோல் ஆன்மீகத் தலைவரையும் தேர்ந்தெடுப்பது கூட. 

அந்த தலைரைப்போல் தியாகம் மற்றும் மக்கள் மேல் அக்கறையாக இருக்கின்றனரா? என்று எண்ணிப்பார்க்கத் தவறிவிடுகின்றனர். அந்த ஆன்மீகத் தலைவரைப் போல் விரதம் மற்றும் தவம் புரிகின்றனரா? என்பதை பார்க்கத் தவறிவிடுகின்றனர். வெறும் தேன் தடவிய பேச்சில் மயங்கி தங்களைடைய சுயமரியாதையை, செல்வத்தை இழந்து காலம் முழுவதும் கஷ்டப்படுவது தொடர்கதையாகவே இருக்கின்றது.

எனக்கு இதுவும் புரியவில்லை. அரசியலில் , ஆன்மீகத்தில் உள்ளது போல் டாக்டரிடத்தில் பணிபுரியும் பத்து வருட அனுபவமுள்ள கம்பவுன்டரை அல்லது நர்சை ஏன் டாக்டராக இருக்க தகுதி கொடுப்பதில்லை. என்ஜீனியரிடத்தில் பணிபுரியும் பத்து வருட கொத்தனாருக்கு ஏன்  என்ஜீனியர் பட்டம் தருவதில்லை. பிரபல எழுத்த்தாளர் வாரிசு சிறந்த  எழுத்தாளராக ஆவதில்லை / ஆக முடிவதில்லை. பிரபல பாடகர் வாரிசு ஒரு சிறந்த பாடகனாக ஆவதில்லை. பிரபல விளையாட்டு வீரரின் வாரிசு சிறந்த விளையாட்டு வீரனாக ஆவதில்லை. ஒரு சிறந்த விஞ்ஞானியின் வாரிசு பிரபல விஞ்ஞானியாக ஆகமுடிவதில்லை. இப்படி இருக்கும் போது அரசியலில் மட்டும் எப்படி ஆகமுடிகின்றது ?

இன்றைய தலைவர்களுக்கு தெளிவான நிரந்தரக் கொள்கை இல்லை. காலத்திற்குத் தகுந்தாற்ப்போல் மாற்றிக்கொள்ளும் அறிவும், திறமையும் இல்லை. தொழில், விவசாயம், பொருளாதாரம் பற்றிய அடிப்படை அறிவு குறைவு தான். அதை செயல்படுத்தும் திறமை  குறைந்து காணப்படுகின்றது. ஆனால் சில தலைவர்கள் மிகப் பொறுப்பாக மக்களின் தேவைகளை பூர்த்தி செய்து தன் மக்களை முன்னேற்ற பாதைக்கு அழைத்துச் சென்றுகொண்டிருப்பதை மறுக்கமுடியாது. ஆகவே மக்கள் கொடுக்கும் நல்ல வாய்ப்பினை தன்னலம் கருதாது பொதுநல நோக்குடன் செயல்பட்டால் தாங்கள் பின்பற்றும் தலைவரை கௌரவப் படுத்துவதுடன், ஏழைகளின் நெஞ்சில் நீங்காத இடத்தை பிடிப்பதோடு உலக சரித்திரத்தில் பொற்காலமாய் பொறிக்கப்படும் என்பதில் எள்ளளவில் சந்தேகமில்லை. 

நன்றி 

வணக்கம். 

150 நாட்கள் சோம்பேறி மன்னிக்கவும் வேலை திட்டம் - நாட்டு நடப்புகள்

150 நாட்கள் சோம்பேறி மன்னிக்கவும்... 

வேலை திட்டம் - 

நாட்டு நடப்புகள் 

ஏழை மக்களின் நல்வாழ்வுக்காக 150 நாட்கள் வேலை திட்டம் என்று நமது மத்திய அரசு அறிமுகப்படுத்தியுள்ளது. இதற்கு முன்பு இதுவே நூறு நாட்களாக இருந்தது. தேர்தல் வருவதை கருத்தில் கொண்டு 150 நாட்களாக ஆக்கிவிட்டது. இது ஏழை மக்கள் மீது இரக்கப்பட்டு கொண்டுவந்த திட்டமா? அல்லது ஏழை மக்களை அடிமை படுத்தும் திட்டமா? என்று போகப்போக தெரியும். பதவியை தக்க வைத்துக்கொள்வதற்காக, தேர்தலில் ஓட்டுகள் வாங்குவதற்காக மக்கள் வரிப்பணத்தை ஏழைகளுக்கு கொடுத்து அவர்களை சோம்பேறியாக மாற்றும் திட்டம். அதாவது அவர்களை ஓட்டுக்காக மட்டும் உபயோகப்படுத்தும் திட்டம்.

பெரும்பாலும் கிராம மக்களே அதில் இருக்கின்றனர். எனக்கு இதுவும் அந்நிய நாட்டு சதியோ என்று தோன்றுகின்றது. பொதுவாகவே ஆறு மாதம் சும்மா உட்கார்ந்து கொண்டு பணத்தை வாங்கி ருசித்தவன், அடுத்த ஆறு மாதம் உழைத்துச் சாப்பிட எண்ணம் வருமா? என்னதான் லட்சம் ரூபாய் கொடுத்தாலும் உழைக்கும் எண்ணம் வரவே வராது? அப்படி வந்தாலும் அந்த உழைப்பு ஏனோதானோவென்று தான் இருக்கும்.

ஏற்கனவே கிராமத்து இளைஞர்கள் பாதி பேர் நகரத்தில் இருக்கின்றனர். மீதி பேர் வெளிநாட்டிற்கு போய்விட்டனர். சொர்ப்பமானோர் விவசாயம் மற்றும் அதைச் சார்ந்த வேலையை பார்த்து வருகின்றனர். ஆனால் கொடுமை என்னவென்றால் விவசாயம் பார்ப்பதற்கு ஆட்கள் கிடைக்காமல் மிகவும் கஷ்டப்படுகின்றார்கள். ஏற்கனவே விவசாய நிலங்கள்  'ரியல் எஸ்டேட்' ஆக மாறிக்கொண்டிருக்கும் இந்த வேளையில் கொஞ்சநஞ்ச விவசாயமும் ஆட்கள் கிடைக்காமல் திண்டாடி வருகின்றனர். இந்த லட்சணத்தில் அனுபவமிக்க பெரியவர்களோ 150 வேலையில் சேர்ந்து தங்களுக்குத் தெரிந்த விவசாய தொழிலை மறக்கச் செய்து வருகின்றனர்.

வேலை இருக்கட்டும். அதற்கு தினம் தினம் வேலை இலக்கு யார் வைக்கிறார்கள்? அதை சரியா செய்து முடித்தார்களா? யார் யார் வேலைக்கு வந்தார்கள்? யார் வேலையினை மேற்ப்பார்வையிடுகின்றனர் ? எல்லோருக்கும் சரியான நேரத்தில் சரியானபடி சம்பளம் வருகின்றதா? என்கிற பலவித கேள்விகளுக்கு சரியானபடி பதில் கிடைப்பது கடினம் தான். ஆனால் ஒரு சில இடங்களில் இந்த திட்டம் மிகச்சரியாக நடக்கின்றது.

இப்போது இருக்கும் இந்த திட்டம் சரியாக தேர்தல் வரை தான்! தேர்தல் முடிந்தவுடன்... ஓட்டுகள் தான் போட்டுவிட்டார்களே! பின் ஏன் இந்த திட்டம்? என்று எண்ணிவிடுவார்கள். அதன் பிறகு பணம் கிடைப்பது சந்தேகமே? அதற்கு முந்தைய  நிறைய திட்டங்கள் தான் உதாரணம். தேர்தலுக்குப் பின் இத்திட்டம் ஒப்புக்காக இருக்கும். முதலில் கொஞ்சம் தாமதமாக பணம் வரும். பிறகு மிக மிக தாமதமாக.. பிறகு வரவே வராது. அதற்கு சாக்குபோக்குகள் ஆயிரம் சொல்வார்கள். பிறகு மறந்து விடுவார்கள். அதற்கு பின்னால் மீண்டும் ஒரு புதிய திட்டம்...புதிய ஏமாற்று அல்லது சோம்பேறியாக்கும் திட்டம்???!!!

இந்த மாதிரி மத்திய அரசும், மாநில அரசும் மக்களை இலவசம் கொடுப்பதின் மூலமாகவும், வேலை திட்டத்தின் மூலமாகவும் சொம்பெரியாக்குவதில் போட்டிபோட்டுக்கொண்டு வருகின்றனர் என்பது உண்மை. இதில் ஊறிய மக்கள் மீண்டும் பழையபடி உழைக்கத் தயாராக இருப்பார்களா? அப்படி உழைக்கத் தயாராக இருந்தாலும் சொந்தத் தொழில் அனேகமாக மறந்திருப்பார்கள். பிறகென்ன? சோறுக்கும் , கஞ்சிக்கும் அற்ப கூலியில் மற்றவர்களிடம் அடிமைபடவும் தயாராக இருப்பார்கள்! இதன் பலனாக நமது நாட்டில் கூடிய விரைவில் விவசாயத் தொழில் ஒட்டுமொத்தமாக ஒழித்துக் கட்டிய பெருமை நமது அரசியல்வாதிகளைச் சேரும்.

ஒரு சமயத்தில் மழை நன்றாக பெய்யும். என்னதான் நிலம் , மின்சாரம், தண்ணீர் இருந்தாலும் விவசாயம் செய்வதற்கு ஆட்கள் இருக்க மாட்டார்கள். ஆகவே விளை நிலம் தரிசாக மாறி ஒன்றுக்கும் உதவாமல் போகும். ஏற்கனவே பருப்பு, எண்ணெய் , சர்க்கரை, உரம் , மருந்து மற்றும் பல பொருட்கள் இறக்குமதி செய்து வருகிறோம். கூடிய விரைவில் அரிசி மற்றும் கோதுமையும் இறக்குமதி செய்ய நேரிடப் போகிறது.

அவ்வாறு இறக்குமதி செய்த பொருட்களின் விலை ஏணி வைத்தால் கூட எட்டாத அளவாக இருக்கும். அதை வாயை மூடிக்கொண்டு வாங்கவேண்டும் நிலைமை உருவாகும். இப்போது ஆட்சி செய்யும் நமது அரசியல் தலைவர்கள் நாளுக்கு நாள் நமது பொருளாதாரத்தை பாதாளத்தில் இறக்கிவிடப் பார்க்கிறார்கள். நூறு கோடிக்கு மேல் மக்கள் கொண்ட நமது நாட்டில் தலை சிறந்த பொருளாதார நிபுணர்கள் ஒரு சிலர் கூட இல்லாதது மிகவும் வருத்தப்படவேண்டிய விஷயம் தான். ஒருவேளை எல்லோரும் படிப்பில் புலியாகவும், அதை நடைமுறை படுத்துவதில் எறும்பாக இருப்பதில் மர்மம் என்னவென்று இன்றுவரை பிடிபடவில்லை தான்.

ஆயிரம் காரணங்கள் சொல்லலாம். நாம் சுதந்திரம் அடைவதற்கும் இந்த மாதிரி காரணங்கள் இருக்கத் தான் செய்திருக்கும். ஏன்? அதைவிட நன்றாக சூழ்நிலையில் நாம் இப்போது இருக்கிறோம்.இருந்தும் நம்மால் ஏதும் செய்ய இயலவில்லை. விலைவாசி ஏறுவது , வரிகள் ஏறுவதும் குறைந்தபாடு இல்லை. இப்படியே இருந்தால் நாம் சிறிய அண்டை நாட்டிற்கும் அடிமை படவேண்டியிருக்கும். சுயமரியாதை இழந்து மீண்டும் அடிமை வாழ்வு வாழ்ந்திட வேண்டுமா? மக்களே ! நன்றாக யோசியுங்கள். நீங்களும் உங்கள் சந்ததியினரும் சந்தோசமாக, நிம்மதியாக வாழவேண்டுமானால் கண்டிப்பாக உழைப்பு மிகமிக அவசியம். 

உழைக்க மறந்தால் அடிமை வாழ்வு தான் என்பதை மனதில் கொண்டு இலவசங்களை மறந்துவிடுங்கள். சோம்பேறியாக்கும் திட்டங்களுக்கு ஆதரவு தருவதை விட்டுவிடுங்கள்.

உழைப்போம்!

உயர்வோம்!

ஏமாற்றங்களை தவிர்ப்போம்!    

   

தாய் மொழி எப்போது வளரும்? WHEN WILL BE THE MOTHER TONGUE GROW? நாட்டு நடப்புகள்

தாய் மொழி எப்போது வளரும்? 

WHEN WILL BE THE MOTHER TONGUE GROW?

நாட்டு நடப்புகள் 

உலகத்தில் எவ்வளவோ மொழிகள் உள்ளன. ஆனால் சில மொழிகளே பேசப்பட்டு, எழுதப்பட்டு, படிக்கப்பட்டு வருகின்றன. பல மொழிகள் தாய் மொழியாகவே இருந்தாலும் அவைகள்  வெறும் பேச்சளவில் தான் இருக்கின்றன. அதிகமாக எழுதப்படுவதோ, படிக்கப்படுவதோ கிடையாது. ஏன்? அவ்வகையான மொழிகள் வளரவில்லை? அப்படியானால் ஒரு தாய்மொழி வளரவேண்டுமென்றால் என்னென்ன தேவை? என்பது பற்றி பார்ப்போம்.

இதைத் தெரிந்துகொள்வதற்கு முன், ஏழை வீட்டில் யாராவது வேலைக்காரர்கள் இருப்பார்களா? அப்படி இருந்தால் அவர்களின் சம்பளம் ஒருவேளை சாப்பாட்டிற்கு போதுமா? அதாவது தனக்கே சாப்பாட்டிற்கு வழியில்லாதவன் மற்றவர்களுக்கு சாப்பாடு கொடுக்க முடியுமா? இன்றைய காலகட்ட்டத்தில் எல்லாமே வியாபார நோக்கில் தான் எந்த ஒரு காரியமும் நடைபெறுகின்றது. அதாவது மொழியின் வளர்ச்சி உட்பட. எந்த மொழி வழியில் பாடங்களை, கல்வியைக் கற்றால் நிறைய சம்பாதிக்கலாம்? என்பதை மனதில் கொண்டே கல்வியைக் கற்கின்றனர். அவ்வாறு கற்றுக்கொண்டால் தான் கை மேல் பலன் கிடைக்கும் என்று எண்ணி எப்பாடுபட்டாவது எவ்வளவு பணம் செலவு ஆனாலும் பரவாயில்லை என்று கற்கின்றனர்.. தாய் மொழியாக  இல்லாமல் இருந்தாலும் சரி. வாயில் நுழையாமல் இருந்தாலும் சரி. அம்மொழியை கற்கின்றனர்.

அதாவது இன்றைய காலகட்டத்தில் ஒரு மொழி வளரவேண்டுமானால் வெறும் கதை, கவிதை,  இலக்கியம், ஆன்மிகம் போன்றவற்றில் மட்டும் இருந்தால் போதாதது. அதை வைத்துக்கொண்டு அதிகமாக சம்பாதிக்க முடியுமா? அதன் மூலம் கிடைக்கும் வருமானம் மிக மிகக் குறைவாகும். எந்த மொழியில் கலை, கணினி, அறிவியல், மருத்துவம், அதிநவீன பலதுறை  பாடங்கள், இலக்கியம், ஆராய்ச்சிக் கட்டுரைகள் மக்களிடையே எளிதாக, வேகமாக பரிமாற்றங்கள் நடைபெறுகின்றதோ அம்மொழியே சந்தேகமில்லாமல் மிக வேகமாக வளரும். அம்மொழியையே மக்கள் பிரயாசைபட்டு கற்பர். அம்மொழி எவ்வளவு கடினமாக இருந்தாலும் சரி அதைப்பற்றி கவலை கொள்ளாமல் கற்பார். 

எடுத்துக்காட்டாக தமிழ் எங்கள் மூச்சு , தமிழ் எங்கள் உயிர்  என்று பல தலைவர்கள், அறிஞர் பெருமக்கள், அரசியல் தலைவர்கள் மேடைகளில், சின்னத் திரைகளில் முழங்கிவருகின்றனர். உண்மையில் தமிழை வளர்க்கவா அவ்வாறு பேசுகின்றனர். இல்லவே இல்லை. தங்கள் சுயநலத்திற்காகவும், பட்டம், பதவி மற்றும் நாலு காசு சம்பாதிப்பதற்கு தான் பயன்படுத்தி வருகின்றனர். அவர்கள் விவரமாக அவர்களின் வாரிசுகளுக்கு அந்நிய மொழிக்கல்வியைத் தான் கறக்கச் செய்து வருகின்றனர். இது மறுக்கமுடியாத உண்மை. பின் எப்படி அவர்கள் தாய் மொழியை வளர்ப்பார்கள். பொதுவாக அனைத்து மொழிகளுக்கும் ஆங்கில மொழி ஒரு எமனாக இருப்பது உண்மை. அது பல தாய் மொழிகளை கொஞ்சம் கொஞ்சமாக விழுங்கிக்கொண்டு வருகின்றது.

இவ்வளவும் கண் கூடாக தெரியும் போது 'மொழி வளரவில்லையே' என்று கூப்பாடு போடுவதில் ஏதேனும் அர்த்தமுண்டா? தாய் மொழி கற்ற அனைவருக்கும் வேலை உண்டா? நம்முடைய அன்றாட தேவைக்கு வெளி மாநிலத்திடம் கையேந்தி நிற்கின்ற நிலை.நம் நாடோ அந்நியனின் உதவியை கையேந்தி நிற்கும் நிலை. கிட்டத்தட்ட அந்நியனின் கைபொம்மையாய் இருக்கிறோம். ஏனெனில் நம்மிடம் நுட்பமான அறிவுள்ளவர்கள் ரொம்ப பேர் இல்லை. அப்படி இருந்தாலும் அவர்களை மதிப்பதில்லை. அவர்களுக்கு வேண்டிய வசதிகளும் செய்து தருவதில்லை. ஆகையால் அறிவும், திறமையும் மிக்கவர்கள் வெளிநாட்டிற்குச் சென்று அந்நாட்டிற்க்காக உழைக்கின்றனர்.

தாய் மொழியைக் கற்பதைக் காட்டிலும் ஆங்கில வழியில் பாடங்களைக் கற்றால் அறிவியல் ஆராய்ச்சி செய்வது எளிது. அதோடில்லாமல் நல்ல வேலையும், கை நிறைய சம்பளமும் கிடைக்கும் என்று தங்கள் குழந்தைகளை ஆங்கில வழியில் கல்வி கற்க வைக்கின்றனர். ஏனெனில் அந்த மொழியில்  தான் இன்றைய தினம் வரை உள்ள அனைத்து துறைகளின் ஆராய்ச்சிக் கட்டுரைகள் வலைதளத்தில் வேகமாக , எளிதாகவும் கிடைக்கின்றன, ஆனால் தாய் மொழியில் அனைத்துக் கட்டுரைகளை 'தமிழாக்கம்' செய்வது அவ்வளவு எளிதான காரியம் இல்லை.

அதாவது தமிழறிவு பெற்ற அறிவியலறிவு அறிஞர்கள் யாருமே இல்லை எனலாம். அவ்வாறு இருந்தாலும் அவர்களுக்கு முக்கியத்துவம் அளிப்பதில்லை. அவர்களுக்கு தகுந்த ஊதியமோ , வசதியையோ செய்து தருவதில்லை. மேலும் ஆங்கில மொழி வளர்ச்சி காட்டுத்தீ போல் அனைத்து மீடியாக்களில் பரவிவிட்டது. ஏன்? மருத்துவம் மற்றும் பொறியியல் துறையில் தமிழ் மொழி வழி இல்லை எனலாம். அதனால் பள்ளிவரை தமிழ் வழி பாடத்தைக் கற்றவர்கள் கல்லூரியில் மிகவும் கஷ்டப்படுகின்றனர். ஆங்கிலம் வளருவதைத் தடுக்க யாராலும் முடியாது. ஒருவேளை தடுத்தால் கிடைக்கும் வருமானம் போய்விடும் என்று எல்லோருக்கும் தெரியும் .

இந்த நிலை தொடருமேயானால் தாய் மொழி வெறும் கேளிக்கைகளுக்கும், வியாபாரத்திற்கும் தான் உதவும். மொழி வளர உதவாது. ஒருவேளை தாய் மொழி வளர வேண்டுமானால் அது பணக்கார மொழியாக மாறவேண்டும். தமிழைக் கற்றவர்களுக்கெல்லாம் கை நிறைய சம்பளம் தரவேண்டும். அதை கற்பவர்களுக்கு ஊக்கத் தொகை தரவேண்டும். அந்நியர்கள் இங்கு வந்து தமிழைக் கற்பதற்கு வழிவகை செய்யவேண்டும். தமிழில் வெளியாகும் அறிவியல் ஆராச்சிக் கட்டுரைகளுக்கு தகுந்த சன்மானம் மற்றும் விருதுகள் கொடுப்பதற்கு ஏற்பாடு செய்யவேண்டும்.

உலகளவில் தமிழைப் பரப்புபவர்களுக்கு தகுந்த வசதியும், சம்பளமும் தரவேண்டும். அதாவது ஆஸ்கார் விருது வாங்குவதற்கு ஆங்கிலம் மிகவும் அவசியம் என்பது போல அன்னிய மொழி படங்கள் தமிழில் 'டப்' செய்தால் அந்த மாதிரி திரைப்படங்களுக்கு விருது கொடுக்கவேண்டும். வந்தாரை வாழவைத்து, அதிக சம்பளம் கொடுக்கும் பணக்கார மொழியாக தமிழை மாற்றவேண்டும். அவ்வாறு பணக்கார மொழியானால் அதன் விஸ்வரூப வளர்ச்சியை யாராலும் தடுக்க முடியாது.

இன்றைய நிலையில் 'ஆங்கில மொழி' பணக்கார மொழியாக விளங்குகின்றது. அதை பின் தொடர்ந்து பல மொழிகள் செல்ல ஆரம்பித்துள்ளது. இப்படியே போனால் பல தாய் மொழிகளுக்கு ஆபத்து தான். நமது மத்திய மாநில அரசுகளும் அந்நிய மொழியை ஊக்குவிக்கத்தான் செய்கின்றது. ஏனென்று கேட்டால் அதன் மூலம் அன்னியச் செலாவணி கிடைக்கின்றதாம். அதற்கு முக்கிய காரணம், பல தலைவர்கள் குண்டு சட்டியில் குதிரை ஓட்டிக் கொண்டிருப்பது தான். 

அவர்கள் மற்ற மொழிகளை தாமும் படிக்காமல், மற்றவர்களையும் படிக்கவிடாமல் பல ஆண்டுகள் இருந்ததால் மற்ற மொழிகளின் வளர்ச்சி நமக்கு தெரியாமல் போனது. ஆகையால் இப்போது எதற்கெடுத்தாலும் அந்நியனின் கையை எதிர்பார்த்து நிற்கவேண்டிய நிலைமை. நமது நாட்டில் தொழில்கள் தொடங்குவதற்கு அந்நியனை பல சலுகைகள் கொடுத்து சிவப்பு கம்பளம் விரித்து வரவேற்கத் தயாராக இருக்கிறோம். கணினி, மருத்துவம், மின் சக்தி, ஆட்டோ மொபைல் போன்ற துறைகள் அந்நியன் தயவினால் நடைபெறுகின்றது. ஏனெனில் அவர்களிடத்தில் தொழில் நுட்பம் இருக்கின்றது. திட்டங்கள், தொலைநோக்குப் பார்வை மற்றும் எதையும் செய்து முடிக்கும் ஆற்றலும், பணவசதியும் இருக்கின்றது.

ஆகவே நமது தாய் மொழியை பணக்கார மொழியாக்குவோம். இதை கொஞ்சம் கொஞ்சமாக செய்ய வேண்டும். பல மொழியில் உள்ள ஆராய்ச்சிக் கட்டுரைகள் தமிழாக்கம் செய்தால் நிச்சயம் நடக்கும். இதை ஒவ்வொருவரும் உணர்ந்தால் கட்டாயம் தாய் மொழி வளரும் என்பதில் சிறிதும் சந்தேகமில்லை. நாமே நமது மொழியின் பெருமையை பேசி சுயதம்பட்டம் பேசுவதை நிறுத்திவிட்டு மற்ற மொழியினர் நம் மொழியை பெருமையாக பேசுமளவிற்கு செய்தால் தான் தாய் மொழி வளரும்.

நன்றி 

வணக்கம்.