எல்லோரும் எல்லாமும் பெற...
WAY FOR… ALL GET ! ALL WEALTH…
புதுக்கவிதை
மதுரை கங்காதரன்
அழகுள்ளவர்கள் எல்லோரும்
நடிகர்கள் ஆவதில்லை -
அதற்கு
நடிப்பில் ஆர்வம் வேண்டும்.
நன்கு பேசுபவர்கள் எல்லோரும்
பேச்சாளராவதில்லை - அதற்கு
பேசும் பயிற்சி வேண்டும்.
ஆடத்தெரிந்தவர்கள் எல்லோரும்
நடனக் கலைஞர் ஆவதில்லை - அதற்கு
நடனத்தில் அக்கறை வேண்டும்.
இசைப்பிரியர்கள் எல்லோரும்
இசையமைப்பாளராவதில்லை - அதற்கு
இசைப்பதில் ஈடுபாடு வேண்டும்.
பாட்டு
படிப்பவர்கள் எல்லோரும்
பாடலாசிரியராவதில்லை - அதற்கு
பாட்டெழுதும் கற்பனை வேண்டும்.
எழுதத் தெரிந்தவர்கள் எல்லோரும்
எழுத்தாளராவதில்லை - அதற்கு
எழுதும் சிந்தனை வேண்டும்.
அரசியல்வாதிகள் எல்லோரும்
ஆள முடிவதில்லை - அதற்கு
தலைமை குணம் வேண்டும்.
செதுக்கத் தெரிந்த எல்லோரும்
சிற்பிகளாவதில்லை - அதற்கு
கலைஞானம் வேண்டும்.
பாடம்
படித்த எல்லோரும்
ஆசிரியர்கள் ஆவதில்லை -
அதற்கு
ஈர்க்கும் திறமை வேண்டும்.
பணம் சம்பாதிக்கும்
எல்லோரும்
பணக்காரனாவதில்லை - அதற்கு
அறிவும் ஆற்றலும் வேண்டும்.
லட்சியங்கள் உள்ள எல்லோரும்
லட்சியத்தை அடைவதில்லை -
அதற்கு
விடாமுயற்சி வேண்டும்.
காதல் கொண்ட எல்லோரும்
மணவாழ்கை வாழ்வதில்லை - அதற்கு
புரிதல் விட்டுக் கொடுத்தல் வேண்டும்.
மணமாணவர்கள் எல்லோரும்
சேர்ந்து வாழ்வதில்லை - அதற்கு
உண்மை அன்பு வேண்டும்.
ஆசை கொண்ட
எல்லோரும்
அதை அடைவதில்லை -
அதற்கு
கடின உழைப்பு வேண்டும்.
பணம் கொண்ட
எல்லோரும்
மகிழ்ச்சியாய் இருப்பதில்லை -
அதற்கு
திருப்தி வேண்டும்.
விடா முயற்சியுடைய எல்லோரும்
வீழ்சியடைவதில்லை - அதற்கு
ஊக்கம் தொடர வேண்டும்.
தொணடுள்ளம்
படைத்த எல்லோரும்
சேவை செய்வதில்லை - அதற்கு
தியாக சிந்தனை வேண்டும்.
வியாபாரம் செய்யும் எல்லோரும்
லாபமடைவதில்லை - அதற்கு
நுணுக்கமான அறிவு வேண்டும்.
தன்னம்பிக்கை கொண்ட எல்லோரும்
தளர்ச்சியடைவதில்லை - அதற்கு
மனவலிமை வேண்டும்.
துணிவு கொண்ட எல்லோரும்
துவண்டு போவதில்லை - அதற்கு
ஆக்க அறிவு வேண்டும்.
###################################################################################
No comments:
Post a Comment