Tuesday, 30 April 2013

பணம் எப்படி எந்த வழியில் சம்பாதிக்கிறார்கள் ? - IN WHICH WAY SOME PEOPLE EARN A LOT OF MONEY ?

பணம் எப்படி எந்த வழியில் சம்பாதிக்கிறார்கள் ?


                                
 WHICH WAY SOME PEOPLE EARN A LOT OF MONEY ?

                        

நாட்டு நடப்புகள் 



பொதுவாக இந்த போட்டி உலகத்தில் பணம் சம்பாதிப்பது என்பது மிகவும் கஷ்டமான காரியம் தான். அதுவும் திருப்தியான அளவுக்கு சம்பாதிப்பது என்பது குதிரை கொம்பு விஷயம் தான். இருந்தாலும் வெகு சிலர் மட்டும் தமக்கு திருப்திக்கும் மேல் அதாவது ஏழு பரம்பரை அளவு பணம் சம்பாதிக்கிறார்கள் என்றால் அவர்களை நாம் பாராட்டியே தீரவேண்டும். அவர்களால் மட்டும் எப்படி முடிகிறது! மற்றவர்களால் எதனால் முடிவதில்லை? அதன் ரகசியம் என்ன? என்பதை நாம் பார்ப்போம்.

                           

பணம் சம்பாதிப்பவர்களின் பலம் என்னவென்றால் மக்களின் மறதி, சோம்பேறித்தனம், ஆசை  மற்றும் அவர்களின் சந்தோசத் தேவைகள். அதாவது மக்களின் மறதியை எந்தெந்த வழிகளில் போக்கலாம்? அது புத்தகமாகவோ, கணினி வழியாகவோ, பயிற்சி மூலமாக எப்படி போக்கலாம்? அதன் மூலம் எப்படி பணம் சம்பாதிக்கலாம்? என்று நன்கு திட்டமிட்டு அதன் மூலம் பணம் சம்பாதிப்பார்கள். அதேபோல் சோம்பேறித்தனம்! மக்களின் சோம்பேறித்தனத்தை நன்றாக பயன்படுத்தி அவர்களின் வேலைகளை பலவழிகளில் எளிமையாக்கி அதன் மூலம் பணம் சம்பாதிப்பது !

      
பிறகு மனிதனின் ஆசை... மனிதனின் ஆசை அளவிடமுடியாது தான். அந்த ஆசை எண்ணத்தை பயன்படுத்தி அவர்களை பலவிதங்களில் ஏமாற்றியோ அல்லது நிறைவேற்றியோ பலகோடிகளை பணம் சம்பாதிக்கின்றனர்.அதேபோல் மக்களுக்குத் தேவையான சந்தோஷம் எப்படியெல்லாம் தரலாம்? டி.வி, சினிமா, உற்சாக பானங்கள், புத்தகங்கள், ஆன்மிகம், நொறுக்குத் தீனிகள், சுற்றுலா, விளையாட்டு, அரட்டை போன்றவற்றின் மூலம் பணம் சம்பாதிப்பது.

                        

ஆகையால் மக்களின் பலவீனம் தான் பணம் சம்பாதிப்பதற்கு மிகவும் உதவி செய்கிறது. நாளுக்கு நாள் மக்களின் தேவைகள், எண்ணங்கள் மாறிக்கொண்டே வருகின்றது. அந்த மாற்றங்களுக்கேற்ப பணம் சம்பாதிக்க எண்ணுபவர்களும் அதற்குத் தகுந்தாற்ப்போல் மாற்றங்களை கொடுத்துக்கொண்டே வருவது தான் அவர்களின் மிகப்பெரிய பலம். அது போதுமே பணம் சம்பாதிப்பதற்கு. அதேபோல் மக்களின் எண்ணங்களை மாற்றவேண்டுமென்பதற்காக பணம் சம்பாதிப்பவர்களே பல மாற்றங்களை கொண்டு வருகின்றனர். 

   

அதற்கு உதாரணம் சிட் பண்டு, லோன்கள, புது புது முதலீடு வழிகள் (ஈமு கோழி பண்ணை போல ) ரியல் எஸ்டேட் , பங்கு சந்தை மற்றும் ஆன்-லைன் வர்த்தகம். கணினி மயமாக்கப்பட்ட மேற்கூறியவைகள்  உலக மக்களின் மற்றும் சிறு சிறு நாடுகளின் பொருளாதாரத்தை சீரழித்து வருகின்றது. இதன் உதவியால் உலகத்தில் சில நாடுகளில் இருக்கும் சில பணக்காரர்களிடம் தான் உலக மற்றும் நாட்டு மக்களின் பணம் சிக்கி இருக்கின்றது . பிற்காலத்தில் சில பணக்காரர்களே சில நாட்டிற்கு உதவி செய்யும் நிலைமை உண்டானாலும் ஆச்சரியப்படுவதிற்கில்லை .

 

இதன் மூலம் மேலும் ஒரு விஷயமும் தெரிந்துகொள்ளலாம். எங்கே எந்த ஒரு மனிதனாவது நான்  பங்கு சந்தை மற்றும் ஆன்-லைன் வர்த்தகம் மூலம் கோடிக்கனக்கில் பணம் சம்பாதித்தேன் என்று கூறமுடியுமா?அப்படியிருந்தால் எப்படி என்று மக்களுக்குத் தெரியுங்கள். ஆனால் மேற்கூறிய இரண்டின் மூலம் பணத்தை இழந்தவர்கள் யார் யார் இருக்கிறார்கள் என்று தெரிவிக்கச் சொன்னால் லட்சம் பேருக்கு அதிகமானோர் இருப்பார்கள். பெரும்பாலும் அவர்கள் பணம் இழந்ததை சொல்வது வெட்கப்பட்டு  சொல்வது கிடையாது. அதன் பலனாக புதுப் புது மக்கள் விழிப்புணர்வு இல்லாமல் அதிக ஆசைப்பட்டு அவர்களின் பணத்தை இழப்பது தொடர்கதையாகவே இருந்துவருகின்றது.

                  

இதில் என்ன கூத்து என்றால் மக்கள் பணத்தை சொல்ல்லியபடி திருப்பிக்கொடுக்காமல் ஓடி ஒளிந்து பிறகு அரசியல் துணையோடு பெரிய பணக்காரர்களாய் சிலர் வலம் வந்துகொண்டிருக்கின்றனர். காவலும், சட்டமும் அவர்களுக்குச் சாதகமாகவே இருக்கின்றது. ஆனால் பாவம் மக்கள். அவர்களிடம் இழந்த செல்வத்தை வாங்க லோ லோ என்று கால் தேய்ந்தது தான் மிச்சம். 

                  

மக்களே இதன் மூலம் சொல்லிக்கொள்வது என்னவென்றால் அதிகமாக பணம் சம்பாதிக்க ஆசைப்பட்டு இருப்பதை இழக்காதீர்கள். உங்கள் ஆசையால் சிலர் உழைப்பில்லாமல் பணக்காரராகும் வாய்ப்பை கொடுக்காதீர்கள். இருப்பதை வைத்துக்கொண்டு திருப்பதியாக ஆயுசு முழுவதும் பிறர் தயவின்றி நிம்மதியாக வாழலாம். உங்கள் பலவீனத்தை பலமாக மாற்றிக்கொள்ளுங்கள். விழிப்போடு இருங்கள். பணம் இழப்பதை தவிருங்கள்!



நன்றி 


வணக்கம்.  

Saturday, 27 April 2013

சிரிப்புச் செய்திகள் - NEWS FOR JOKES - (சிரிப்புக்காக) - இது நம்ம சானல்

சிரிப்புச் செய்திகள் 
NEWS FOR JOKES
(சிரிப்புக்காக)
இது நம்ம சானல் 

சிரிப்புச் செய்திகளை பார்த்து கேட்டு வயிறு வலிக்க சிரிக்க இருக்கும் அத்தனை தூய இதயங்களுக்கு இந்த கோமாளி -எக்ஸ் முதற்கண் வணக்கத்தை தெரிவித்துக் கொள்கிறேன்.

முதலில் வருவது தலையில்லாத செய்திகள்..

                

* இரு சக்கரவாகனங்கள் இரண்டு  நேருக்கு நேர் முத்தம் கொடுத்ததில் இரு ஓட்டுனர்களின் கன்னங்கள் சற்று வீங்கியது.

செய்தி விவரம் : இந்த மோதல் திட்டமிட்டே மோதல் என்று தெரிய வந்துள்ளது. மோதியதில் ஒருவர் பெண் என்றும் மற்றொருவர் ஆண் என்பது சுவாரஷ்யமான தகவல். மேலும் இருவரிடத்த்தில் விசாரித்ததில் நீண்ட நாட்களாகவே மோதுவதற்கு முயற்சி செய்ததாகவும் இப்போது தான் இந்த மோதல் முத்தமாக மாறியதில் கூடுதல் மகிழ்ச்சி தருவதாக தெரிவித்தார்கள்..  

/////////////////////////////////////////////////////////////////////////////////////////////////////////////////////////////////////////////////////////////


* சென்னையிலிருந்து மதுரை செல்லும் இரயில் தண்டவாளத்தில் மதுரை நெருங்கும் இடத்தில் சிறிய கல்  இருந்ததால் மீண்டும் சென்னைக்கே திரும்பியது.



செய்தி விவரம் : சென்னையிலிருந்து மதுரை சென்றுகொண்டிருந்த இரயில், மதுரையை நெருங்கும் போது சிறிய கல் தண்டவாளத்தில் இருந்தததால் மீண்டும் அந்த இரயில் சென்னைக்கே திருப்பிவிடப்பட்டது. இந்த கல் காக்காயோ அல்லது கழுகோ போட்டிருக்கலாம் என்று அங்குள்ள வட்டாரங்கள் தெரிவித்தன.

*******************************************************************************


* நிடுவானில் பறந்துகொண்டிருந்த விமானத்தின் ஒரு இறக்கை கழன்று விழுந்ததில் விமானம் பல குட்டிக்கரணம் அடித்துக்கொண்டு தரை இறங்கியது. அதிசயமாக எல்லோரும் தப்பித்தனர்.. சிலரின் பேட்டி இதோ..

                 

நிரூபர்: நீங்க எப்படி இந்த பயங்கரமான விபத்திலிருந்து தப்பித்தீர்கள்?

பயணி : விபத்தா? சான்ஸே இல்லை. இது வெறும் சர்கஸ்.விமான ஓட்டி (பைலட்) இந்த மாதிரி ஒரு இறக்கை கழன்று கீழே விழுந்து விட்டது. அதை எடுக்கிறதற்காக குதிக்கப் போகிறேன். ஒன்றும் கவலைப் படாதீர்கள். விமானம் பல குட்டிகரணம் போட்டு தரை இறங்கும். யார் ஒருவர் இந்த விமானம் எவ்வளவு குட்டிக்கரணம் போட்டது என்று சரியாகச் சொன்னால் ஒரு பரிசு தருவதாக சொன்னார்.   

நிரூபர்: (ஆவலாக) எவ்வளவு குட்டிக்கரணம் போட்டது? யார் சரியாகச் சொன்னார்கள்? பரிசு கிடைத்ததா?

பயணி : சரியாக பதினெட்டு குட்டிக்கரணம் போட்டது. நான் தான் சரியாகச் சொன்னேன். இதோ எனக்கு இந்த 'குரங்கு பொம்மை' பரிசாகக் கிடைத்தது.

=======================================================================


*  பிரபல அரசியல் தலைவர் கட்சிக்கூட்டத்தில் 'காதல் கவிதை' படித்ததால் அங்கு பரபரப்பு நிலவியது.

செய்தி விவரம்: எப்போதுமே அந்த தலைவரின் 'செயலர்' தலைவர்  கூட்டத்தில் எவை பேசவேண்டும் என்பதை தொகுத்து எழுதிக்கொடுப்பது வழக்கம். அன்றைய தினம் அவர் தனது காதலிக்காக ஒரு கவிதையும் எழுதி வைத்திருந்தார்.  கவிதையும், கூட்டத்தில் பேசுபவையும் இடம் மாறிவிட்டன. அதாவது அவசரத்தில் காதலிக்காக எழுதிவைத்திருந்த பேப்பர் அவரது பையில் வைத்துவிட்டார். அவர் வாசித்த காதல் கவிதை வரிகள் இதோ..

விலைவாசி போல் எட்டாத 
உயரத்தில் இருக்கும் என் கண்ணே!
உன்னை காணவே ஓடி வர நினைக்கிறேன்.
மன வேகத்தில்  எனது உடல் வரமாட்டேன் 
என்று அடம் பிடிக்கிறதே!..

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


*  பிரபல நகை கடையின் கதவுகளை உடைத்த திருடர்கள்  நகைகள் ஏதும் திருடிச் செல்லவில்லை என்ற ஆச்சரியப்படவைக்கும் தகவல்.

செய்தி விவரம்: பிரபல நகைக்கடை பஜாரில் இயங்கிவரும் நகை கடை ஒன்றில் திருடர்கள் நகைகளை கொள்ளையடிக்க கதவுகளை கஷ்டப்பட்டு உடைத்தனர். பிறகு தான் அந்த கொள்ளையருக்கு தெரிந்தது. அதாவது அந்த கடை முதலாளி ஏற்கனவே எல்லா நகைகளை எடுத்துக்கொண்டு கம்பியை நீட்டிவிட்டார் என்று. அதனால் அந்த முதலாளி மீது வழக்கு போடுவது பற்றி யோசித்து வருகிறார்..  

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$


* லஞ்சம் வாங்காத அரசு ஊழியர்களைக் கண்டித்து 'லஞ்சம் வாங்கும் அமைப்பு' கடும் கண்டனம் தெரிவித்துள்ளது.

செய்தி விவரம்: 'லஞ்சம்' என்பது ஒரு நாட்டின் புனிதமான வார்த்தை. கடவுள் கூட இல்லாமல் இருக்கலாம் ஆனால் லஞ்சம் இல்லாமல் இருக்கவே முடியாது. அப்பேர்ப்பட்ட லஞ்சத்தை வேண்டாம் என்று சொல்லுகிற அரசு ஊழியர்களை எங்கள் லஞ்சம் வாங்கும் அமைப்பு கடுமையாக கண்டனம் தெரிவிக்கிறது.. இவ்வாறு அதன் தலைவர் தெரிவித்துள்ளார்.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&

               

*வீடு மற்றும் அனைத்து ஹோட்டல்களில் இனிமேல் வட்டவடிவில் தோசை சுட்டு விற்கக்கூடாது என்ற கடுமையான சட்டம் அமுலுக்கு வந்தன.

செய்தி விவரம்: எதிர் கட்சியின் சின்னம் வட்டமான தட்டு. ஆனால் ஆளும் கட்சி சின்னமோ சதுரமான தட்டு. இதை கருத்தில் கொண்டு இச்சட்டம் கொண்டு வந்ததாக நம்பத் தகுந்த வட்டாரம் தெரிவித்தது.  

(((((((((((((((((((((((((((((((((((((((((((((((((((((((((((((((())))))))))))))))))))))))))))))))))))))))))))))))))))))))))))


                            

* நேற்று நடந்த கிரிக்கெட் போட்டியில் இரு அணியில் உள்ள அனைவரும் 'முட்டை' ரன் எடுத்து உலக சாதனை. மேட்ச் 'டை' யில் முடிந்தது.

செய்தி விவரம்:

நிரூபர்; நீங்க எல்லோரும் சொல்லி வச்சாப்பிலே எப்படி 'முட்டை' ரன் எடுத்தீங்க?

ஒரு அணித் தலைவர்: பொதுவாகவே எனக்கு வாத்து முட்டை பிடிக்கும். அதனாலே தான் இந்த சாதனை!

நிரூபர்: (அடுத்த அணி தலைவரிடத்தில்) அவங்களுக்கு வாத்து முட்டை பிடிக்கும்னு சொன்னாங்க? நீங்களும் கேவலம் ஒரு ரன் கூட எடுக்காமல் எல்லோரும் 'முட்டை' ரன் எப்படி எடுக்க முடிஞ்சது?

அதன் அணித் தலைவர்: அவங்களுக்கு வாத்து புடிக்கும் னா எங்களுக்கு கோழி முட்டை பிடிக்கும். தட்ஸ் ஆல்..

+++++++++++++++++++++++++++++++++++++++++++++++++++++++++++++++++++++


* பூவா? தலையா? போட்டு அடுத்தமாதம் அணுமின் நிலையம் ஓடுமா? ஓடாதா? என்று நீதிபதி குழு அறிவிப்பு.

செய்தி விவரம்: கால் பந்தாட்ட போட்டி முடிவு ஒரு 'ஆக்டோபசி' மீன்  சொல்லும்போது நாம் ஏன் பூவா தலையா ? போட்டு தீர்ப்பு சொல்லக்கூடாது? என்று நீதிபதி குழு சரமாரி பதில்..

@@@@@@@@@@@@@@@@@@@@@@@@@@@@@@@@@@@@@@@@@@

                                        

*  பிரபல நடிகைகள், நடிகர்கள்   முத்தமிட்ட மாம்பழம் , ஆப்பிள் , கொய்யா , மாதுளை போன்ற  பழங்கள் மார்க்கெட்டில் அமோக விற்பனை..

  
செய்தி விவரம் : பிரபல நடிக நடிகைகளின் உடைகள், பிரபல படம் மற்றும் சீரியல் பெயர் கொண்ட உடைகள் தான் நமக்குத் தெரியும். ஆனால் இப்போது பிரபல நடிக நடிகையர்களின் முத்தமிட்டப் பழங்கள் சந்தையை ஒரு கலக்கு கலக்கிக்கொண்டு வருகின்றது. அதை பற்றிய சிறு தொகுப்பு இதோ..

நிரூபர்: ஏற்கனவே பழங்களின் விலை அதிகம். இப்போது 'முத்தமிட்ட பழம் ' ரொம்ப அதிகமாக இருக்குமே?

மக்கள்: விலையைப் பற்றி யாருக்குக் கவலை. இந்த மாதிரி பழம் முதல்லே கிடைக்குமா?

நிரூபர்: முத்தமிட்டது என்று எப்படி நம்புறது?

மக்கள்: இப்படி கேப்பீங்க என்று தெரியும். அதாவது ஒவ்வொரு பழத்திலேயும் இதோ சிவப்பு நிறத்திலே உதடு அச்சு இருக்குதே?

நிரூபர்: யாரோட உதடு எப்படி தெரியும்?

மக்கள்: இதோ பாருங்க சார்ட். ஒவ்வொரு நடிக நடிகைகளின் உதட்டின் அளவு!

நிரூபர் : (மனதிற்குள் ) உங்களை திருத்த அந்த ஆண்டவனாலும் முடியாது. நான் வர்றேன்...   

#############################################################################