Pages

Monday 21 December 2015

HAPPY NEW YEAR TO ALL OF YOU – ஏற்றம் (ஏறுமுகம்) தரும் 2016

HAPPY NEW YEAR TO ALL OF YOU –
உங்கள் வாழ்வில் ஏற்றம் (ஏறுமுகம்) தரும்
 2016 புத்தாண்டு

அனைவருக்கும் எனது 2016 புத்தாண்டு நல்வாழ்த்துக்கள்

ஒன்றாக ஒற்றுமையுடன் வாழும் வாழ்க்கை
இரு கைகள் உழைக்கும் கொடுக்கவும் செய்யும்
முக்கனிகளின் இனிமை என்றும் நிலவும்
நான்கு திசைகளில் உங்கள் புகழ் பரவும்

ஐம்பொன் மகிமை உங்கள் வாழ்வில் கிடைக்கும்
அறுசுவை உண்ணும் பாக்கியம் என்றும் கிட்டும்
ஏழு சுரங்கள் இன்பமாய் காதில் ஒலிக்கும்
எட்டு மணிநேரம் உழைக்கும் பலம் இருக்கும்

நவரத்தினங்கள் குவியும் வாய்ப்பு கிடைக்கும்
பத்துமாதம் பெற்றவர்களின் மனம் குளிரச் செய்யும்
11போல் வளமும் நிலையாக சமமாக அமையும்
பன்னிரண்டு மாதமும் வாழ்வு இனிதாக அமையும்

டீன் ஏஜ் போல் என்றும் இளமை தொடரட்டும்
ஈரேழு உலகம் உங்கள் வாழ்க்கை போற்றும்
சஷ்டியின் பலன் ஏறுமுகம் கொடுக்கும்
பதினாறு செல்வம் பெற்று பெருவாழ்வு அருளும்.

நாள்தோறும் நல்ல விசயங்கள் நடக்கும்
என்னாளும் பொன்னாளாக விளங்கும்.

%%%%%%%%%%%%%%%%%%%%%%%%%%%%%%%%%%%%%%%

Wednesday 9 December 2015

சொல்லில் உயர்வு தமிழ்ச் சொல் - அதில் சொருகலாமா பிற எழுத்தை ?


சொல்லில் உயர்வு தமிழ்ச் சொல் - அதில் சொருகலாமா பிற எழுத்தை ?

தமிழ்த்தாய் வாழ்த்து

தமிழ் பேச தடுமாறும் தமிழர்களின் நாவில்
தமிழை பிறமொழி சொல் கலவாமல்
சிங்கமாக நின்று தமிழ் பரப்பி
மங்காத பெருமையினை தமிழ்த்தாயே தருவாயாக!

சொல்லில் உயர்வு தமிழ்ச் சொல் - அதில் சொருகலாமா பிற எழுத்தை ?

புதுக்கவிதை கடலில் மூழ்கி
பாரதி படைத்தார் முத்தான கவிதைகள்
பதிலுக்கு சத்தான தமிழ்சொற்களால் பிறசொற்களை
பொசுக்கிடுவோம் தீப்பொறிக் கவிதைகள் படைத்து

பாதி கிணறு தாண்டினாலும் பாதாளம்
பாதி தமிழ் பேசினாலும் சேதாரம்
தனித்தமிழே தமிழனுக்கு ஆதாரம்
தவறினால் ஏறிடுமே வேதாளம்

பசுஞ்சோலை தமிழ்மொழி இருக்க
பாலைவனத்திற்கு ஆசைபடுவதா?
மழைநீராய் தமிழ் சொற்கள் இருக்க
கடல்நீருக்கு ஆசைப்படுவதா?

பிறமொழிச் சொற்கள் தமிழில் கலந்தால்
பிறப்பது தமிழ் மொழியாகுமோ!
அமிழ்தமுடன் நஞ்சு கலந்தால்
அமிழ்தமென பருகுவோரோ?

மணமுள்ள பூக்களில் காகிதப்பூ மணக்குமா?
மங்கலராகத்தில் அமங்கலத்தை பாடலாகுமா?
அறுசுவை தமிழிருக்க பிறசுவை சுவைக்குமா?
அருந்தவத் தமிழில் பிறமொழிச் சொற்கள் இனிக்குமா?

தமிழ் சொற்களோ முத்துக்கள்
தமிழர்களுக்கு அதுவே சொத்து
வேண்டாமே பிறமொழிக் கலப்பு
வேண்டுமே தனித்தமிழ் ஒலிப்பு!

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&